JEREMAÏAH 19:4 - Khasi CL Bible (BSI)

⁴ Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

KA BAIBL

⁴ Namar ba ki la kyntait ïa nga, bad ba ki la pynjngai ïa kane ka jaka, bad ki la thang ka jingiwbih ha ka ha kiwei pat ki blei, kiba kim ju ithuh, ma ki, lymne ki kpa jong ki, lymne ki syiem ka Judah; bad ki la pyndap ïa kane ka jaka da ka snam jong kiba lui lui;

JEREMAÏAH 19:4 ပူးပေါင်းရင်းမြစ်များ

2 SYIEM 21:16

U Manasseh u la pynïap bun ki briew balui lui, haduh ba ki surok bah ka Jerusalem ki la tuid da ka snam; u la leh ïa kane nalor ba u ïalam ïa ki briew ka Judah sha ka jingmane bleithaw da kaba pynlong ïa ki ban leh pop pyrshah ïa U Trai.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 SYIEM 24:4

bad khamtam namar baroh ki briew balui lui kiba u la pynïap. U Trai um lah shuh ban map ïa u Manasseh na ka bynta kata.

SALM 106:38

Ki la pynïap ïa kito ki khun balui lui, bad ïa ka ri la pynjyrsieh da kita ki jingpynïap briew.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

ISAÏAH 65:11

“Hynrei kan long pher ïa phi kiba la kyntait ïa nga, kiba lyndet ïa ka Seïon, u lum bakyntang jong nga, bad mane ïa u Gad bad u Meni, ki blei ka nusip bad ka kupar.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 16:11

Nangta ïathuh ïa ki ba U Trai u la ong, ‘Ki kpa tymmen jong phi ki la phai dien noh na nga bad ki la mane bad shakri ïa kiwei pat ki blei. Ki la iehnoh ïa nga bad kim shym kohnguh ïa ki jinghikai jong nga.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 17:20

Ïathuh ïa ki syiem bad ïa baroh ki briew jong ka Judah bad ïa uwei pa uwei uba shong ba sah ha Jerusalem bad rung sha kine ki khyrdop, ban shahshkor ïa kaei kaba nga ong.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 2:34

Ki jaiñ jong phi ki la khah da ka snam jong kiba duk bad kiba lui lui, ym da ka snam jong ki nonglute.

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 26:15

Hynrei to tip skhem ïa kane: Lada phi pynïap ïa nga, ma phi bad ki briew jong kane ka nongbah phin long kiba la rem ha kaba pynïap ïa u briew uba lui lui namar u dei U Trai uba la phah ïa nga ban ai ha phi ïa kane ka jingmaham.”

JEREMAÏAH 26:23

Ki la wallam pat ïa u sha u syiem Jehoïakim, uba la phah pynïap ïa u bad ïa ka met jong u la bret sha ka jaka tep paidbah.)

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

ESEKIEL 20:26

Nga shah ïa ki ban pyntngit ïa lade da ki jingainguh jong ki hi, bad nga shah ïa ki ban kñia ïa ki khun shynrang banyngkong jong ki. Kane ka la long ban pynshitom ïa ki bad pyn-i ha ki ba nga long U Trai.

ESEKIEL 7:22

Ngan ym leh ei ei haba ïa ka Templ bakordor jong nga yn pyntngit, haba ki nongtuh kin rung sha ka bad kin pyntngit ïa ka.

ESEKIEL 8:11

Hynñiewphew ngut ki nongïalam Israel ki don hangta, kynthup ïa u Jaasanaïah u khun jong u Shaphan. Uwei pa uwei u bat ïa u khiew thang jingiwbih, bad ka tdem ka dang kiew na ka jingiwbih.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

LOUKAS 11:50

Kumta ïa ki briew jong kane ka juk yn pynshitom na ka bynta ka jingpynïap ïa baroh ki nongïathuhlypa kiba la shah pynïap naduh ka jingpynlong ïa ka pyrthei,

DEUTERONOMI 13:13

ba don ki riewbymman napdeng jong phi kiba la ïalam bakla ïa la ki para shnong para thaw ban mane ïa ki blei kiba phim ju mane mynno mynno.

DEUTERONOMI 13:6

“Wat u hynmen u para jong phi, u khun jong phi, ka khun jong phi, ka tnga kaba phi ieit, lane u paralok uba jan eh jong phi, ki lah harieh harieh ban khring ïa phi ban leit mane ïa kiwei pat ki blei, ïa kiba phi bad ki kpa tymmen jong phi kim ju mane mynno mynno.

DEUTERONOMI 28:20

“Lada phi leh ïa kaba sniew bad kyntait ïa U Trai, un wallam ha phi ka jingpynjot, ka jingkulmar, bad ka jingjynjar ha kaei kaei baroh kaba phi leh, haduh ba phin da jot thiaw bad ïap syndon.

DEUTERONOMI 28:36

“U Trai un leit rah ïa phi bad ïa u syiem jong phi sha ka ri nongwei, ha kaba ma phi lane ki kpa tymmen jong phi kim pat ju poi; hangta phin shakri ïa ki blei kiba da u dieng bad da u maw.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”

NONGBISHAR 5:8

Nangta la don ka thma ha ka ri, Haba ki Israel ki jied ki blei thymmai. Na ki sawphew hajar ngut ki rangbah ha Israel Don mano mano ba rah ïa ka stieh ne u sum?