JEREMAÏAH 19:3 - Khasi CL Bible (BSI)

³ U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

KA BAIBL

³ bad to ong, ‘To sngew phi ïa ka ktien U Trai, ko ki syiem ka Judah, bad kiba shong ha Jerusalem; kumne u ong U Trai ki paid, U Blei ki Israel, “Ha khmih, ngan pynwan ïa ka jingsniew halor kane ka jaka kaba uno uno u ban ïohsngew, ki shkor jong u kin kyllut noh ngiang.

JEREMAÏAH 19:3 ပူးပေါင်းရင်းမြစ်များ

SALM 102:15

Ki jaitbynriew kin sheptieng ïa U Trai; baroh ki syiem jong ka pyrthei kin sheptieng ïa ka bor jong u.

SALM 110:5

U Trai u don ha ka liang kamon jong me; haba u bitar, un jop ïa ki syiem,

SALM 2:10

Mynta to shahshkor ïa kane ka jingmaham, ma phi ki syiem; to ïoh jinghikai na kane, phi ki nongsynshar jong ka pyrthei.

ISAÏAH 28:19

Kan shoh bad kan ïai shoh ïa phi, na kawei ka step sha kawei pat. Phin hap ban shah ïa ka bad sngi bad miet. Kawei pa kawei ka khubor thymmai na U Blei kan wanrah ïa ka jingshyrkhei bathymmai!

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

JEREMAÏAH 17:20

Ïathuh ïa ki syiem bad ïa baroh ki briew jong ka Judah bad ïa uwei pa uwei uba shong ba sah ha Jerusalem bad rung sha kine ki khyrdop, ban shahshkor ïa kaei kaba nga ong.

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 25:29

Ngan sdang ïa ka kam jingpynjot jong nga na la ka jong ka nongbah hi. Hato ki pyrkhat ba kin lait khlem shah pynshitom? Em, kin shah pynshitom, namar ngan sa phah ïa ka thma ha ki jaitbynriew ka pyrthei baroh. Ma nga, U Trai Badonbor Baroh, nga la kren.

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

ESEKIEL 7:5

Kane ka long kaba U Trai Nongsynshar u ong: “Kawei ka jingjynjar hadien kawei pat kan wan ha pha.

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

JINGPYNPAW 2:29

“Te lada pha don ki shkor, shahshkor ïa kaei kaba U Mynsiem u ong ïa ki balang!

1 SAMUEL 3:11

U Trai u ong ha u, “Shisien ka sngi ngan leh ei ei kaba shyrkhei katta katta ïa ki briew ha Israel ba kita baroh kiba ïohsngew shaphang kata kin lyngngoh.