JEREMAÏAH 19:13 - Khasi CL Bible (BSI)

¹³ Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

KA BAIBL

¹³ bad ki ïing ka Jerusalem, bad ki ïing ki syiem ka Judah, ïa kiba la pyntngit, kin long kum ka jaka Tophet, kita ki ïing baroh keiñ kiba halor jrong jong ki, ki la thang ka jingiwbih ha u paidbah bneng baroh, bad ki la theh noh ki jingainguh dih ïa kiwei pat ki blei.”

JEREMAÏAH 19:13 ပူးပေါင်းရင်းမြစ်များ

2 SYIEM 17:16

Ki pynkheiñ ïa baroh ki hukum U Trai U Blei jong ki bad ki thaw ar tylli ki khun masi da ka nar ban mane; ki thaw ruh ïa ka durblei jong ka blei Asherah, ki mane ïa ki khlur, bad ki shakri ïa u blei Baal.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 SYIEM 23:12

Ïa ki duwan kiba ki syiem Judah ki la tei halor tnum ka ïingsyiem hajrong ka jaka sah u syiem Ahas, u syiem Josaïah u la pyntwa lut, ryngkat bad ki duwan ba la pynïeng da u syiem Manasseh ha ki ar tylli ki phyllaw jong ka Templ; u la pynlwet ïa ki duwan lyngkhot lyngkhai bad bret ïa ki sha ka Them Kidron.

2 SYIEM 23:14

U syiem Josaïah u la pynpait lyngkhot lyngkhai ïa ki rishot maw, u ot lyngkhot ïa ki dur jong ka blei Asherah, bad ïa ka jaka ha kiba ki ïeng u la tap da ki shyieng briew.

SALM 74:7

Ki la pynjot ïa ka Templ jong me bad ki wiang ding ïa ka; ki la pyntngit ïa ka jaka ha kaba la mane ïa me.

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

ISAÏAH 22:1

Kane ka dei ka khubor shaphang ka Them ka Jingïohipaw. Kaei kaba jia? Balei ki briew baroh jong ka nongbah ki rakhe lehkmen halor ki tnum ïing?

JEREMAÏAH 19:12

Nga kular ba ngan pynlong ïa kane ka nongbah bad ïa kiba shong ha ka kum ka Topheth.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 44:18

Hynrei naduh ba ngi sangeh ban ai jingkñia ha ka Syiem jong ka Bneng bad ngi sangeh ban theh ïa ki jingainguh waiñ ha ka, ngim shym don ei ei shuh, bad ki briew jong ngi ki ïap ha ka thma bad na ka jingïapthngan.”

JEREMAÏAH 52:13

U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

JEREMAÏAH 7:18

Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

KI KAM 10:9

Ha ka sngi kaba bud, katba ki dang don ha lynti bad ba ki la jan poi hajan Joppa, u Petros u la leit sha ka tnum jong ka ïing ha ka por shiteng sngi ban duwai.

KI KAM 7:42

Kumta U Blei u la phai noh na ki, bad u la iehnoh ïa ki ban mane ïa ki khlur ka sahit bneng, kumba la thoh ha ka kitab ki nongïathuhlypa: “ ‘Ko ki paid Israel! Ym dei sha nga ba phi la pynïap bad kñia ïa ki jingri haduh sawphew snem ha ka ri shyiap.

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.