JEREMAÏAH 18:9 - Khasi CL Bible (BSI)

⁹ Ha kawei pat ka liang, lada nga ong ba ngan seng lane tei ïa kano kano ka jaitbynriew lane ka hima,

KA BAIBL

⁹ Bad ha kano kano ka por ba ngan kren shaphang ka jaid bynriew, bad shaphang ka hima, ban tei bad ban thung ïa ka;

JEREMAÏAH 18:9 ပူးပေါင်းရင်းမြစ်များ

EKLESIASTIS 3:2

U buh ka por ban kha bad ka por ban ïap, ka por ban thung bad ka por ban rat noh,

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 31:28

Bad kumba nga la ïaleh shitom ban rat noh, ban pyntwa, ban jop, ban pynjot bad ban pynpra ïa ki, kumta ruh ngan ïaleh shitom ban thung ïa ki bad ban tei pat ïa ki.

JEREMAÏAH 31:38

“Ka por kan poi,” ong U Trai, “haba ïa ka Jerusalem baroh kawei yn tei pat kum ka nongbah jong nga, naduh u Mot Hananel shaphang sepngi haduh ka Khyrdop Kyndong.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.