JEREMAÏAH 18:8 - Khasi CL Bible (BSI)

⁸ hynrei hadien, kata ka jaitbynriew ka phai noh na ka jingsniew jong ka, ngan ym leh ïa kaei kaba nga la ong ba ngan leh.

KA BAIBL

⁸ lada kata ka jaid bynriew, kaba nga la kren shaphang jong ka, kan phai na ka jingsniew jong ki, ngan kylla-ka-bamut shaphang kata ka jingsniew kaba nga la mut ban leh ïa ki.

JEREMAÏAH 18:8 ပူးပေါင်းရင်းမြစ်များ

2 KHRONIKL 12:6

U syiem bad ki nongïalam ki phla ba ki la leh pop, bad ki ong, “Kaei kaba U Trai u leh ka long kaba shongnia.”

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 135:14

U Trai un kyrshan ïa la ki briew; un sngewsynei ïa la ki shakri.

SALM 90:13

Slem katno kan neh ka jingbitar jong me? A to leh-isynei, A Trai, ïa la ki jong ki shakri!

EKSODOS 32:12

Balei ba ki nong Ijipt kin ïoh ong ba me la ïalam ïa la ki briew na ka ri Ijipt, da kaba me thmu ban pynïap ïa ki ha ki lum, bad ban pynjot thiaw ïa ki? Sangeh ban bitar; pynkylla noh ïa ka jingmut jong me, bad wat ai ba kane ka jingpynjot kan ngat ha ki briew jong me.

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 26:13

Phi dei ban pynkylla ïa ka rukom kaba phi im bad ïa kiei kiei baroh kiba phi leh, bad phi dei ban kohnguh ïa U Trai U Blei jong phi. Lada phi leh kumta, un kylla ïa la ka jingmut na ka jingpynjot kaba u la ong ba un wallam halor jong phi.

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JEREMAÏAH 26:3

Lehse ki briew kin shahshkor bad iehnoh ïa la ki lynti basniew. Lada ki leh kumta, te ngan kylla ïa la ka jingmut shaphang ka jingpynjot kaba nga la thmu ban wallam halor jong ki na ka bynta ki kam bymman jong ki.”

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 42:10

‘Lada phi mon ban ïaisah ha kane ka ri, te ngan kyntiew ïa phi bad ym ban pynjot ïa phi; ngan pynskhem ïa phi bad ym ban rat ïa phi. Ka jingpynjot kaba nga la wanrah ha phi ka la pynlong ka jingsngewsih bakhraw ïa nga.

ESEKIEL 18:21

“Lada u briew uba sniew u sangeh ban leh pop bad u sumar ïa ki aiñ jong nga, lada u leh ïa kaba dei bad kaba bha, un ym ïap; un im da shisha.

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

ESEKIEL 33:12

“Mynta, ko khun u briew, ïathuh ha ki Israel ba haba u briew babha u leh pop, ka jingleh babha ba u leh kam lah ban pynim ïa u. Lada u briew basniew, u sangeh kaba leh bymman, yn ym pynshitom ïa u, bad lada u briew babha u sdang ban leh pop, ïa ka jingim jong u yn ym pynsah.

ESEKIEL 33:13

Nga lah ban kular ha u briew uba bha, hynrei lada u sdang ban pyrkhat ba ka jingleh babha jong u kaba mynshuwa ka la biang bad u sdang ban leh pop, Ngan ym kynmaw ïa kano kano kaba bha ba u la leh. Un ïap namar ki pop jong u.

ESEKIEL 33:14

Nga lah ban maham ïa u briew uba sniew ba u dei ban ïap, hynrei lada u sangeh na kaba leh pop bad leh ïa kaei kaba dei bad kaba bha —

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.