JEREMAÏAH 18:22 - Khasi CL Bible (BSI)

²² To phah ïa u paidbhur ban lute ïa ki ïing jong ki khlem ka jingmaham; pynlong ïa ki ban kyang ha ka jingshyrkhei. Ki la tih ka thliew na ka bynta jong nga ban hap ha ka bad ki la pynap ki jingriam ban pynngat ïa nga.

KA BAIBL

²² Ai ban ïohsngew ka jinglynñiar na ki ïing jong ki, haba men lap kyndit ïa ki da u paid: naba ki la tih ka 'liewlep ban kem ïa nga, bad ki la buhrieh ka jingriam ïa ki kjat jong nga.

JEREMAÏAH 18:22 ပူးပေါင်းရင်းမြစ်များ

SALM 119:85

Ki briew kiba sarong, ki bymkohnguh ïa ka aiñ jong me, ki la tih ki thliew ban riam ïa nga.

SALM 140:5

Ki briew kiba sarong ki la pynap jingriam ïa nga; ki la phriang ïa la ki jar, bad shi lynter lynti ki la pynap jingriam ïa nga.

SALM 140:6

Nga ong ha U Trai, “Me long U Blei jong nga.” To shahshkor ïa ka jingïam jong nga ban ïoh jingïarap, A Trai!

SALM 142:4

Haba nga peit ha syndah jong nga, nga ïohi ba ym don uno uno u ban ïarap ïa nga, ym don mano mano ban ïada ïa nga. Ym don uba sngewsynei ïa nga.

SALM 38:12

Kito kiba kwah ban pynïap ïa nga ki pynap jingriam ïa nga; bad kito kiba kwah ban pynmynsaw ïa nga ki byrngem ban pynjot ïa nga; kim ju sangeh ban ïasylla pyrshah ïa nga.

ISAÏAH 10:30

To pyrta, ko ki briew jong ka Gallim! To shahshkor, ko ki briew jong ka Laishah! To jubab, ko ki briew jong ka Anathoth!

JEREMAÏAH 18:20

Hato ka jingsniew ka dei ka bainong na ka bynta kaba bha? Pynban ki la tih ka thliew na ka bynta jong nga ba ngan hap ha ka. To kynmaw kumno ba nga la wan sha me bad kren na ka bynta jong ki, khnang ba men ym leh ei ei ïa ki ha ka jingbitar.

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

JEREMAÏAH 20:16

Ai ba un long kum kito ki nongbah kiba U Trai u la pynjot khlem jingisynei. Ai un ïohsngew ïa ka jingud pang ha ka por mynstep bad ka jingmaham thma ha ka por shiteng sngi,

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 5:26

“Ki riewsniew ki don hapdeng ki briew jong nga; ki apthap kum ki briew kiba phriang ïa ki jar ban riam ïa ki sim, hynrei kiba pynap ïa ki jingriam jong ki ban riam ïa ki briew.

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

SEPHANAÏAH 1:16

ka sngi kaba dap da ka jingsawa ki turoi thma bad ka jingpyrta-thma jong ki shipai kiba tur ïaleh ïa ki nongbah ba la ker kynroh bad ïa ki kut bajrong.

MATHAÏOS 22:15

Ki Pharisi ki la leit noh bad ki la pynlong ka jingthmu ban riam ïa U Jisu da ki jingkylli.