JEREMAÏAH 18:18 - Khasi CL Bible (BSI)

¹⁸ Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

KA BAIBL

¹⁸ Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

JEREMAÏAH 18:18 ပူးပေါင်းရင်းမြစ်များ

2 SAMUEL 15:31

Haba la ïathuh ha u Dabid ba u Ahithophel u la ïasoh lang bad ka jingïaleh pyrshah jong u Absalom, u la duwai, “Ko Trai, sngewbha pynpulom ïa ka jingaibuit u Ahithophel.”

2 SAMUEL 17:14

U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

1 SYIEM 22:24

Nangta u Sedekaïah u nongïathuhlypa u leit kiew sha u Mikaïah, u thab ïa u na ka ngab jong u, bad kylli, “Naduh mynno u mynsiem jong U Trai u iehnoh ïa nga bad u kren ha me?”

2 KHRONIKL 24:21

U syiem Joash u la ïasnohkti ha ka jingïasylla pyrshah ïa u Sekharaïah, bad ha ka hukum jong u syiem, ki paidbah ki la lynthem maw ïa u Sekharaïah ha ka phyllaw ka Templ.

SALM 21:11

Ki pyrkhat ïa ki buit jong ki bad thmu sniew pyrshah ïa u, hynrei kin ym lah ban jop.

SALM 52:2

Me pynlong ïa ki jingthmu ban pynjot ïa kiwei; u thylliej jong me u long kum ka syrti banep. Me pynmih borabor ïa ki jingshukor.

SALM 57:4

Ïa nga la ker sawdong da ki nongshun, kiba long kum ki sing bathrang ïa ka doh briew. Ki bniat jong ki kum ki sum bad ki khnam; ki thylliej jong ki kum ki waitlam banep.

SALM 64:3

Ki la shut pynnep ïa ki thylliej jong ki kum ki waitlam bad ki thew ki kyntien bakhor kum ki khnam.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

ISAÏAH 32:7

U briew uba mutlop u long uba sniew bad u leh ïa ki kam kiba sniew; u ïasylla ban pynsniew ïa kiba duk da ki jingshukor bad ban khanglad ïa ki ban ïoh ïa ki hok jong ki.

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 18:19

Kumta nga la duwai, “A Trai, to sngap ïa kaei ba nga ong bad to shahshkor ïa kaei ba ki nongshun jong nga ki ong shaphang jong nga.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

JEREMAÏAH 26:11

Nangta ki lyngdoh bad ki nongïathuhlypa ki la ong ha ki nongïalam bad ha ki briew, “Une u briew u dei hok ban shah pynrem ban ïap namar ba u kren pyrshah ïa ka nongbah jong ngi. Phi la ïohsngew ïa u da la ki jong ki shkor.”

JEREMAÏAH 37:13

Hynrei haba nga la poi ha ka Khyrdop Benjamin, u rangbah nongïalam uba dei khmih ïa ki shipai ba don ha ka kam hangta, u briew uba kyrteng u Irijah, u khun jong u Shelemaïah bad u ksiew jong u Hananaïah, u la pynsangeh ïa nga bad u la ong, “Phi la phet noh ban ïasoh bad ki nong Babilonia!”

JEREMAÏAH 43:2

Nangta u Asaraïah u khun jong u Hoshaïah bad u Johanan u khun jong u Kareah bad baroh kiwei ki rangbah ba leh meng ki la ong ïa nga, “Phi shukor. U Trai U Blei jong ngi um shym la phah ïa phi ban ong ha ngi ba ngin ym leit bad shong ha Ijipt.

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

JEREMAÏAH 8:8

Kumno phi lah ban ong ba phi long kiba stad, bad ba phi tip ïa ki aiñ jong nga? Ha khmih, ïa ki aiñ la pynkylla da ki nongthoh bymhok.

SNGEWSYNEI 3:62

Baroh shi sngi ki ïakren shaphang jong nga bad ki thaw ki jingthmu jong ki.

ESEKIEL 7:26

Ka jingjynjar kan bud kawei hadien kawei pat, ka khubor basniew kan ïai tuid. Phin kyrpad ïa ki nongïathuhlypa ban ïathuh ïa kaei kaba ki ïohi lypa. Ki lyngdoh kin ym don ei ei shuh ban hikai ïa ki briew, bad ki tymmen ki san kin ym don jingsneng jingkraw shuh ban ai.

LEBITIKOS 10:11

Me dei ban hikai ïa ki paid Israel ïa ki aiñ baroh kiba nga la ai ha me lyngba u Moses.”

MIKAH 3:6

Ïa kine ki nongïathuhlypa, U Trai u ong, “Ko ki nongïathuhlypa, ka sngi jong phi ka la jan kut noh; ka sngi ka la jan wai na ka bynta jong phi. Namar ba phi ïalam bakla ïa ki briew jong nga, phin ym don shuh ki jingïohipaw ban ïathuhlypa, bad phin ym lah ban ïathuh lypa ei ei.”

MIKAH 3:7

Kito kiba ïathuh lypa ïa ka lawei kin shah pynjahburom da ka jingbymlah jong ki. Baroh kin shah pynlehrain namar U Blei um shym jubab ïa ki.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

LOUKAS 11:45

Uwei na ki nonghikai ka Hukum u la ong ha u, “Ko Nonghikai, haba me ong ïa kane, me ñiewbeiñ ïa ngi ruh!”

ÏOANNIS 9:40

Katto katne ngut na ki Pharisi kiba ïadon hangta lem bad u ki la ïohsngew ïa u ba u ong ïa kane bad ki la kylli ïa u, “Da shisha mem mut ba ngi ruh ngi matlah?”