JEREMAÏAH 18:17 - Khasi CL Bible (BSI)

¹⁷ Ngan pynsakma ïa ki briew jong nga ha khmat ki nongshun jong ki, kum ïa u pui pui ba la beh da ka lyer mihngi. Ngan pynphai ïa la ka ingdong halor jong ki; ngan ym ïarap ïa ki haba ka jingpynjot ka wan.”

KA BAIBL

¹⁷ Ngan pynsaphred ïa ki kum da ka lyer mihngi ha khmat u nongshun; ngan khmih ïa ka ingdong jong ki, bad ym ïa ka khmat jong ki, ha ka sngi ka jingjynjar jong ki.”

JEREMAÏAH 18:17 ပူးပေါင်းရင်းမြစ်များ

Ka Kitab U Job 27:21

ka lyer mihngi kan sar ïa ki na ki ïing jong ki;

SALM 48:7

kum ki liengbah ba la kynting ha ka 'erïong bajur.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

JEREMAÏAH 13:24

U Trai un pynsakma ïa pha kum ïa u phlangïap uba la beh noh da ka lyer ri shyiap.

JEREMAÏAH 2:27

Ïa phi baroh yn pynjahburom — ma phi kiba ong ba u dieng u dei u kpa jong phi bad ba u mawsiang u dei ka kmie jong phi. Kane kan jia namar ba phi la phai noh na nga ha ka jaka ba phin phai sha nga. Hynrei haba phi don ha ka jingjynjar, phi kyrpad ïa nga ban wan bad pynim ïa phi.

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 46:21

Wat ki shipai ba shu wai jong ka ki long khlem bor kum ki khun masi. Kim shym ïeng ban ïaleh; baroh na ki, ki phai bad phet noh. Ka sngi jong ka jingshahjop ka la poi, ka por jong ka jingpynjot ïa ki.

ESEKIEL 27:26

Haba ki maji jong pha ki ïalam ïa pha sha duriaw, ka lyer na sha mihngi ka pynjot ïa pha jngai na ryngkew.

ESEKIEL 7:22

Ngan ym leh ei ei haba ïa ka Templ bakordor jong nga yn pyntngit, haba ki nongtuh kin rung sha ka bad kin pyntngit ïa ka.

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.