JEREMAÏAH 18:16 - Khasi CL Bible (BSI)

¹⁶ Ki la pynlong ïa kane ka ri ka bynta ka jingtriem, ban ñiewbeiñ junom. Baroh kiba la ïaid lyngba kin kyndit ha kaei kaba ki ïohi; kin kyrngah ïa la ki khlieh ha ka jinglyngngoh.

KA BAIBL

¹⁶ ïa ka ban pynlong ïa la ka ri ka jinglyngngoh, bad ka jingkynshi kaba borabor; uwei uwei baroh uba ïaid nangta un lyngngoh, bad un kyrngah ïa la ka khlieh.

JEREMAÏAH 18:16 ပူးပေါင်းရင်းမြစ်များ

1 SYIEM 9:8

Kane ka ïing kaba da kat ka ïing kan kylla long kaba sah kynjah, bad kat uba ïaid najan jong ka un kyndit thret bad un pang met; bad kin ïakylli, ‘Balei mo U Trai u la leh sat kumne ïa kane ka ri bad ïa kane ka ïing?’

2 KHRONIKL 29:8

Namar kane, U Trai u la bitar ïa ka Judah bad ka Jerusalem, bad kaei kaba u la leh ïa ki ka la pynkyndit bad pyntieng ïa uwei pa uwei. Phi tip bha shaphang kane.

SALM 109:25

Haba ki briew ki ïohi ïa nga, ki rkhie ïa nga; ki pynkhih ïa la ki khlieh ha ka jingkrenbeiñ.

SALM 22:7

Baroh kiba ïohi ïa nga ki krenbeiñ ïa nga; ki sei ïa la ki thylliej bad pynkhih ïa la ki khlieh.

SALM 44:14

Me la pynlong ïa ngi kum ka jingshah ñiewbeiñ hapdeng ki jaitbynriew; ki pynkhih ïa la ki khlieh bad krenbeiñ ïa ngi.

ISAÏAH 37:22

U Trai u la ong “Ka nongbah Jerusalem ka rkhie ïa me, ko Sennakherib, bad ka ñiewbeiñ ïa me.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 19:8

Ngan wallam ïa ka jingpynjot kaba shyrkhei kum kane ha kane ka nongbah ha kaba uwei pa uwei uba ïaid lyngba un kyndit bad lyngngoh.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

JEREMAÏAH 48:27

Ko Moab, to kynmaw kumno pha rkhiebeiñ ïa ki paid Israel? Pha la leh ïa ki kumba ki la ngat ha ka kynhun ki nonglute.

JEREMAÏAH 49:13

Nga da lade hi nga la smai ba kane ka nongbah Bosrah kan long ka jingïohi ba-itriem bad ka ri shyiap; ki briew kin rkhiebeiñ ïa ka bad kin pyndonkam ïa ka kyrteng jong ka kum ka jingtim. Baroh ki nongrit ba-marjan kin don ha ka jingjot junom. Ma nga, U Trai, nga la kren.”

JEREMAÏAH 49:17

U Trai u ong, “Ka jingpynjot ka ban wan hap ha ka Edom kan long kaba da shyrkhei haduh ba kiba ïaid nangta kin kyndit bad sheptieng.

JEREMAÏAH 50:13

Namar ka jingbitar jong nga, yn ym don u ban shong ban sah ha Babilon; kan sah ha ka jingjot, bad baroh kiba ïaid nangta kin kyndit bad lyngngoh.

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

JEREMAÏAH 51:43

Ki shnong ki la long kiba ishyrkhei ban peit bad ki long kum ka ri shyiap bym don um, ha kaba ym don ba sah lane wat ban ïaid nangta.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

ESEKIEL 12:19

To ïathuh ïa ka jaitbynriew baroh kawei ba kane ka dei ka khubor jong U Trai Nongsynshar ïa ki briew jong ka Jerusalem kiba dang shong dang sah ha ka ri jong ki: Kin kyiuh haba ki bam bad kin khynñiuh da ka jingsheptieng haba ki dih. Ïa ka ri jong ki yn sloit lyngkhuit, namar uwei uwei baroh uba shong hangta u long uba thurmur.

ESEKIEL 27:36

Pha la jah noh, la jah noh junom, bad ki nongkhaïi na baroh kawei ka pyrthei ki la sngewtriem, ki la sheptieng ba ki ruh kin mad ïa ka kupar jong pha.”

ESEKIEL 36:3

“To ïathuhlypa, nangta, bad to pynbna ïa kaei kaba ma nga, U Trai Nongsynshar nga ong. Mynba ki jaitbynriew ba-marjan ki la kurup bad lute ïa ki lumbah ka Israel, baroh ki la krenbeiñ ïa ka Israel.

ESEKIEL 6:14

Ho-oid ngan kner ïa ka kti jong nga bad pynjot ïa ka ri jong ki. Ngan sa pynlong ïa ka, ka jaka shrah naduh ka ri shyiap bashathie shaduh ka nongbah Riblah kaba na shatei, khlem da map ïa kano kano ruh ka jaka bashong ki Israel. Te baroh kin sa tip ba nga long U Trai.”

LEBITIKOS 26:32

Ngan pynjot thiaw ïa ka ri jong phi haduh ba ki nongshun jong phi kiba ïohknieh ïa ka kin da lyngngoh ngaiñ ïa ka jingpynjot.

LEBITIKOS 26:43

Nyngkong, la kumno kumno, ka ri ka dei ban lait na ki briew jong ka, ba kumta kan ïoh lehkmen ha ka jingshongthait kaba pura, bad ki dei ban shah pynshitom ha ban da biang namar ba ki la kyntait ïa ki aiñ bad ki hukum jong nga.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

MATHAÏOS 27:39

Ki briew kiba ïaid lynti nangta ki pynkhih ïa la ki khlieh bad ki da ther ki jingkrenbeiñ ïa U Jisu:

MARKOS 15:29

Ki briew kiba ïaid nangta ki la kyrngah ïa la ki khlieh bad krenbeiñ ïa U Jisu: “Ade! men pynjot ïa ka Templ bad tei pat ïa ka hapoh lai sngi!

DEUTERONOMI 28:59

un phah ha phi bad ha ki khun ki ksiew jong phi ïa ki jingpang bym lah pynkoit bad ïa ki jingïapthem kiba sngewtriem bad kiba neh slem.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.