JEREMAÏAH 18:15 - Khasi CL Bible (BSI)

¹⁵ Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

KA BAIBL

¹⁵ Naba ki briew jong nga ki la klet ïa nga, ki la thang ka jingiwbih ïa ka jingthala; bad ki la pynjynthut ïa ki ha ki lynti jong ki, ha ki lynti ïaid ki barim, ba kin ïaid ha ki lynti khlaw, ha ka lynti bym ju ïaid;

JEREMAÏAH 18:15 ပူးပေါင်းရင်းမြစ်များ

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

ISAÏAH 3:12

Ki nongai pisa kylliang ki banbeiñ ïa ki briew jong nga, bad ki nongai ram jong ki, ki thok ïa ki. Ko paidlang jong nga, ki nongïalam jong phi ki ïalam bakla ïa phi, khnang ba phin ym tip kano ka lynti ban phai pat.

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 57:14

U Trai u ong, “To shah ïa ki briew jong nga ban wan phai sha nga. Bret noh ïa ki jingpynwit baroh na ki lynti ïaid jong ki! Shna ïa ka surok bad pynkhreh ïa ka!

ISAÏAH 62:10

Ko ki paid ka Jerusalem, leit shabar ka nongbah bad shna ka lynti na ka bynta u paidlang u ban wan phai! Pynkhreh ïa ka lynti bah; da pynkhuid ïa ki maw kiba don ha ka! To sieh ïa ka lama, khnang ba ki jaitbynriew kin tip.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 10:15

Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

JEREMAÏAH 11:12

Nangta ki briew jong ka Judah bad ka Jerusalem kin leit sha ki blei ha kiba ki ai ïa ki jingkñia bad kin kyang jam sha ki ban ïoh jingïarap. Hynrei kito ki blei kin ym lah ban pynim ïa ki haba kane ka jingpynjot ka wan.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 13:25

U la ong ba kane kan dei ka kupar jong pha. Kane ka dei kaei kaba u la kut jingmut ban leh ïa pha, namar pha la klet ïa u bad pha la shaniah ha ki blei thala.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 18:14

Hato ki kynjang mawsiang jong ka Lebanon ki ju long khlem ka ïor? Hato ki wahduid ba dait-thah na ki lumbah ki ju rngad?

JEREMAÏAH 19:5

bad ki la tei ki duwan ïa u Baal khnang ban thang ïa ki khun jong ki ha ka ding kum ki jingkñia. Ngam ju hukum ïa ki ban leh ïa kane; kam shym rung hi ruh ha ka jingpyrkhat jong nga.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:32

Hato ka samla kan klet ïa ki jingdeng jong ka, lane ka nongleitkurim ïa ka jaiñ kyntiew kurim jong ka? Hynrei ki briew jong nga ki la klet ïa nga bun bun sngi ban ïa kaba lah ban ñiew.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

JEREMAÏAH 51:18

Kim dondor bad dei ban ñiewbeiñ ïa ki; ïa ki yn sa pynjot haba U Trai u wan ban leh ïa ki.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

ESEKIEL 21:15

Ka pynlong ïa ki briew jong nga ban duh ka jingshlur bad ban kyllon. Nga byrngem ïa ka nongbah jong ki da ka waitlam kaba thaba kum ka leilieh bad ka pynkhreh ban pynïap.

ESEKIEL 36:15

Ka ri kan ym shahshkor shuh ïa ki jaitbynriew kiba krenbeiñ ïa ka, lane ïohi ki kynja bynriew kiba peitbeiñ ïa ka. Ka ri kan ym knieh shuh ïa la ki khun na ka jaitbynriew. Ma nga, U Trai nongsynshar, nga la kren.”

HOSIA 11:2

Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

HOSIA 2:6

Kumta ngan kerkut ïa ka da ki bniap shiah, bad ngan tei da ka kynroh ban khang ïa ka lynti jong ka.

MALAKHI 2:8

“Hynrei mynta ma phi ki lyngdoh phi la phai noh na ka lynti kaba dei. Ki jinghikai jong phi ki la ïalam ïa kiba bun ban leh ïa ka bym dei. Phi la pynkheiñ ïa ka jutang kaba nga la pynlong bad phi.

MATHAÏOS 15:6

Ha kane ka rukom phi ñiewbeiñ ïa ka hukum jong U Blei, khnang ban bud ïa la ka jong ka jinghikai.

Ka Shithi U Paul Sha Ki Nong Rom 14:21

Ka long kaba dei ban ym bam doh, dih waiñ, lane ban leh kano kano ka ban pynlong ïa la u parabangeit ban kyllon noh.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.