JEREMAÏAH 18:13 - Khasi CL Bible (BSI)

¹³ U Trai u ong, “Kylli ïa kawei pa kawei ka jaitbynriew la kaba kum kane kaei kaei ka la ju jia mynshuwa. Ki paid Israel ki la leh ïa kaei kaba shyrkhei!

KA BAIBL

¹³ Namar kata, kumne u ong U Trai: “To kylli te hapdeng ki jaid bynriew, mano ba la ïohsngew kat kine kiei kiei; ka theisotti Israel ka la leh ïa kaba sngewshyrkhei.

JEREMAÏAH 18:13 ပူးပေါင်းရင်းမြစ်များ

ISAÏAH 36:22

Te u Eliakim, u Shebna bad u Joah ki la tar ïa la ki jaiñ ha ka jingsngewsih bad leit bad ïathuh ha u syiem ïa kaei kaba u rangbah synshar Assyria u la ong.

ISAÏAH 66:8

Hato don mano mano ba ju ïohi ne ïohsngew ïa kaba kum kata? Uei uba la ïohi ïa kaba kum kata? Lah mo ban kha ïa ka hima tang ha ka shi sngi? Ka Seïon kam donkam ban shahshitom slem, shuwa ba yn kha ïa ka hima.

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 18:14

Hato ki kynjang mawsiang jong ka Lebanon ki ju long khlem ka ïor? Hato ki wahduid ba dait-thah na ki lumbah ki ju rngad?

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 5:30

Kaba sngewshyrkhei bad kaba sngewkyndit ka la jia ha kane ka ri:

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

HOSIA 6:10

Nga la ïohi ïa kaei kaei kaba shyrkhei ha Israel: Ki briew jong nga ki la pyntngit ïa lade da kaba mane ïa ki bleithaw.

AMOS 5:1

To shahshkor, ko ki paid Israel, ïa kane ka jingrwai leit ontep kaba nga rwai ha phi:

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

1 KORINTH 5:1

Mynta, la don ka jingong kaba thikna ba ka don ka jingïaleh awria hapdeng jong phi kaba shyrkhei haduh katta katta ba wat ki bymngeit kin sngewrem ïa kata. La ïathuh ïa nga ba uwei u briew u ïathiah shongkha bad la ka meinah!

1 SAMUEL 4:7

ki la sheptieng, bad ki ong, “U blei u la wan poi ha dara jong ki! Ngi la shahjop! Kum kane kam pat ju jia ha ngi mynno mynno!