JEREMAÏAH 17:8 - Khasi CL Bible (BSI)

⁸ U long kum u dieng uba mih hajan ka wahduid bad uba ki thied ki ksam sha ka um. Um sheptieng haba ka jingshit ka suiñbneng ka wan, namar ki sla jong u ki sah jyrngam; um don jingkhuslai haba ym don slap; u ïai pynmih soh.

KA BAIBL

⁸ Naba un long kum u dieng ba la thung hajan ki um, bad uba pur ïa la ki thied hajan ka wah, ba un ym sheptieng haba wan ka jingshit, hynrei, ka sla jong u kan long jyrngam; bad ha ka snem barang ryngkhiang un ym sumar khuslai, lymne un ym pep ban sei soh.

JEREMAÏAH 17:8 ပူးပေါင်းရင်းမြစ်များ

Ka Kitab U Job 29:19

Nga la long kum u dieng uba ki thied ki ïoh um borabor bad uba ki tnat ki jhieh da ki umjer.

Ka Kitab U Job 8:16

Ki riewbymman ki khie lung kum ki ñiut ha ka sngi, kum ki ñiut kiba saphriang kylleng ka kper.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

PROBERB 11:28

Kito kiba shaniah ha ka spah jong ki, kin hap kum ki sla jong ka synrai, hynrei kiba hok kin roi kyrhai kum ki sla jong ka lyiur.

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 39:18

Ngan pyllait ïa me na ka jingma, bad yn ym pynïap ïa me. Men lait im namar me la buh ïa la ka jingshaniah ha nga. Ma nga, U Trai, nga la kren.”

ESEKIEL 31:3

Me long kum u dieng Kedar ka Lebanon, lem bad ki tnat kiba itynnat bad ba kah syrngiew, u dieng uba jrong katta katta uba kot haduh ki lyoh.

ESEKIEL 47:12

Ha baroh arliang ki rud jong ka wahduid, bun jait ki dieng kin mih ban pynmih jingbam. Ki sla jong ki kin ym jlop noh lano lano ruh, bad kin ym sangeh na kaba pynmih soh. Kin don ki soh kiba bang man u bnai, namar ïa ki la ai um da ka wahduid kaba tuid na ka Templ. Ki dieng kin pynïoh jingbam, bad ïa ki sla jong ki yn pyndonkam na ka bynta ka jingpynkhiah ïa ki briew.”