JEREMAÏAH 17:6 - Khasi CL Bible (BSI)

⁶ U long kum ka bniap ha ka ri shyiap, kaba mih ha ka ri khlaw baryngkhiang, halor ka khyndew mluh ha kaba ym don kaei kaei kaba mih. Ym don kano kano kaba bha kaba la ju jia ha u.

KA BAIBL

⁶ Naba un long kum u dieng Retem ha ri khlaw, bad un ym ïohi haba wan ka babha; hynrei, un shong ha ki jaka ryngkhiang ha ka ri shyiap, ka 'dewmluh ka bymshong briew.”

JEREMAÏAH 17:6 ပူးပေါင်းရင်းမြစ်များ

2 SYIEM 7:2

U nongbud ba-hajan jong u syiem u la ong ha u Elisha, “Kata kam lah ban jia — em wat lada U Trai da lade hi un phah shisien phah ïa u kew!” U Elisha u jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

Ka Kitab U Job 20:17

Un ym im ban ïohi ïa ki wah ka umphniang Olib lane ïa ki wahduid kiba tuid da ka dud bad ka ngap.

Ka Kitab U Job 39:6

Nga la ai ha ki ka ri shyiap ban long ka ïing jong ki, bad nga shah ba kin shong ha ki pyntha mluh.

SALM 1:4

Hynrei ki briew kiba sniew kim long kumne da lei lei; ki long kum u phlangïap uba ka lyer ka beh noh.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

SALM 92:7

ki bymman ki lah ban mih kum ki ñiut, kito kiba leh bakla ki lah ban manbha, pynban kin sa shah pynjot thiaw,

ISAÏAH 1:30

Phin jlop kum u dieng Sning baïap, kum ka kper bym don um.

JEREMAÏAH 48:6

‘Pynkloi, phet ban lait im!’ ki ong. ‘Mareh kum u kada khlaw ka ri shyiap!’

ESEKIEL 47:11

Hynrei ïa ka um ha ki bir bad ki pung ha ki rud duriaw, yn ym pynlong bha. Kin ïaisah hangta kum ka jaka mluh.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

NONGBISHAR 9:45

Ka jingïaleh ka la neh baroh shi sngi. U Abimelekh u kurup ïa ka nongbah, u pynïap ïa ki briew jong ka, u pynkhyllem ïa ka, bad u tap ïa ka madan da ka mluh.