JEREMAÏAH 17:5 - Khasi CL Bible (BSI)

⁵ U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

KA BAIBL

⁵ Kumne u ong U Trai: “To long ba la tim uta u briew uba shaniah ha u briew, bad uba pynlong ïa ka doh ka ksang'ti jong u, bad uba ka dohnud jong u ka kynriah na U Trai.

JEREMAÏAH 17:5 ပူးပေါင်းရင်းမြစ်များ

2 KHRONIKL 16:12

Ha ka snem kaba laiphew khyndai ba u Asa u long syiem, u la dkoh na ka jingpang kjat kaba jur; wat la katta ruh um shym la phai sha U Trai na ka bynta ka jingïarap, hynrei sha ki nongpynkhiah.

2 KHRONIKL 32:8

U don ka bor briew, hynrei ngi don U Trai U Blei jong ngi u ban ïarap ïa ngi ban ïaleh ïa ki thma jong ngi.” Ki briew ki ïoh ïa ka jingpynshlur da kine ki ktien jong u syiem jong ki.

SALM 18:21

Nga la kohnguh ïa ka hukum jong U Trai; ngam shym la phai noh na U Blei jong nga.

SALM 62:9

Ki briew ki long kum ka jingpynhiar mynsiem, kiba rit bad kiba khraw kumjuh kim dondor. Buh ïa ki ha ki tarajur, bad kim don jingkhia ei ei; ki kham sting ban ïa ka jingpynhiar mynsiem.

ISAÏAH 2:22

Wat buh jingshaniah shuh ha ki briew ki bym lah ban im junom. Ki dondor haduh katno?

ISAÏAH 20:5

Kito kiba buh ïa la ka jingshaniah ha ka Sudan bad kiba la kob sarong shaphang ka Ijipt kin shaïong jingmut; la pynkhih ïa ki jingkyrmen jong ki.

ISAÏAH 36:6

Phi khmih lynti ba ka Ijipt kan ïarap ïa phi, hynrei kata kan long kumba pyndonkam ïa u khah kum u diengduh ban ïaid — un kdiah bad un dung ïa ka kti jong phi. Kata kan long kaei kaba u syiem Ijipt u long haba uno uno u shaniah ha u.”

ISAÏAH 59:15

Ka jinglonghok ka la nang duna katta katta ba uno uno uba kiar na kaba leh bymman u shem ïa lade ba u long u lanot jong ka kam runar.” U Trai u la ïohi ïa kane, bad ka la pynsngewsih ïa u ba ym don shuh ka jingbishar hok.

JEREMAÏAH 11:3

ba ma nga, U Trai U Blei ki Israel, nga la buh ka jingtim halor uwei uwei baroh u bymkohnguh ïa ki kyndon jong kane ka jutang.

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”