JEREMAÏAH 17:4 - Khasi CL Bible (BSI)

⁴ Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

KA BAIBL

⁴ Bad ma me, na lade hi, men wai noh na kane ka ri kynti kaba nga la ai ha me; bad ngan pynlong ba men shakri ïa la ki nongshun ha ka ri kaba mem ithuh: namar phi la tbeh ka ding ha ka jingbitar jong nga ka ban ing junom.

JEREMAÏAH 17:4 ပူးပေါင်းရင်းမြစ်များ

1 SYIEM 9:7

ngan jynrat noh ïa ki Israel na kane ka ri ïa kaba nga la ai ha ki; bad ngan kyntait noh ïa kane ka ïing ïa kaba nga la pynkyntang na ka bynta ka kyrteng jong nga; bad ki Israel kin sa shah rkhiebeiñ bad shah kynshi hapdeng ki jaitbynriew baroh.

2 SYIEM 25:21

Hangta u syiem u la phah shoh bad pynïap ïa ki. Kumta ki paid Judah ki la shah rah sha jngai na la ka ri sha ka jinglongmraw.

NEHEMAÏAH 9:28

Haba ka jingsuk ka la wan, ki leh pop biang, bad me shah biang ïa ki nongshun ban jop ïa ki. Pynban ki kylla-kaba-mut bad kyrpad ïa me ban pynim ïa ki, ha bneng me ïohsngew, bad na ka por sha ka por me pyllait ïa ki ha ka jingisynei bakhraw jong me.

ISAÏAH 14:3

U Trai un ai ha ki paid Israel ka jingtngen na ki jingpang bad ki jingshitom jong ki bad na ka kam kaba khia kaba ki la shah pynbor ban trei.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

ISAÏAH 50:11

Phi baroh kiba ïasylla ban pynjot ïa kiwei yn pynjot ïa phi ha ki jingsylla jong phi hi. U Trai da lade hi un pynjia ïa kane; phin shahshitom ha ka jingkordit.

ISAÏAH 66:24

“Katba ki dang leit phai noh kin ïohi ïa ki metïap jong kito kiba ïaleh pyrshah ïa nga. Ki ksaiñ kiba bam ïa ki kin ym ïap shuh, bad ka ding kaba thang ïa ki kan ym lip noh. Ka jingïohi ïa ki kan long kaba isaitmet ïa u bynriew baroh.”

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 15:14

Ngan pynlong ïa ki ban shakri ïa ki nongshun jong ki ha ka ri kaba kim don jingtip ei ei, namar ka jingbitar jong nga ka long kum ka ding, ban kan pluh junom.”

JEREMAÏAH 16:13

Kumta te, ngan bret ïa phi shabar jong kane ka ri sha ka ri kaba ma phi lymne ki kpa tymmen jong phi, phim pat ju tip. Bad hangta phin shakri ïa kiwei pat ki blei mynsngi bad mynmiet, bad ngan ym pyn-i jingisynei ïa phi.’ ”

JEREMAÏAH 18:23

Hynrei, A Trai, me tip ïa baroh ki jingthmu sniew jong ki ban pynïap ïa nga. Wat ym map ïa ka jingsniew jong ki lane map ïa ka pop jong ki. Bret ïa ki sha tbian ha ka jingshahjop bad leh ïa ki katba me dang bitar.”

JEREMAÏAH 2:14

“U Israel um dei u mraw; ym shym la kha ïa u sha ka jinglongmraw. Balei te ba ki nongshun jong u ki behmrad ïa u?

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 5:19

Haba ki kylli balei ba nga la leh ïa kine kiei kiei, ïathuh ïa ki, ko Jeremaïah, ba kumba ki la phai noh na nga bad shakri ïa ki blei nongwei ha ka ri jong ki hi, kumta kin shakri ïa ki nongwei ha ka ri ka bym dei ka jong ki.”

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

SNGEWSYNEI 5:2

Ka jingdon jingem jong ngi ka don ha ki kti jong ki riewphylla; ki nongwei ki shong ki sah ha ki ïing jong ngi.

ESEKIEL 21:31

Phin mad ïa ka jingbitar jong nga haba nga phai jar jar ha phi kum ka ding baklang. Bad ngan aiti ïa phi ha ki briew bashyrkhei, kiba tbit ha ka ban pynjot.

ESEKIEL 7:24

Ngan wanrah ïa ki jaitbynriew kiba sniew tam hangne bad ailad ïa ki ban shimti ïa ki ïing jong phi. Ki briew kiba khlaiñ tam jong phi kin duh noh ïa la ka jingsngewskhem ynda nga shah ïa ki jaitbynriew ba kin pynjakhlia ïa ki jaka ha kaba phi mane.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.