JEREMAÏAH 17:3 - Khasi CL Bible (BSI)

³ bad halor ki lumbah ha ka rudnong bym don jingkah. Ngan pynlong ïa ki nongshun jong phi ban shim noh ïa ka spah bad ïa ki jingkynshew jong phi namar ki pop baroh kiba phi la leh ha kylleng ka ri jong phi.

KA BAIBL

³ Ko u lum bah jong nga ha ka pyntha, ngan ai noh ïa ka spah bad ïa ki jingkynshew jong me baroh ban long ka jinglute, bad ïa ki jaka bajrong jong me, namar ka pop ha ki phang jong me baroh.

JEREMAÏAH 17:3 ပူးပေါင်းရင်းမြစ်များ

2 SYIEM 24:13

bad u la kit sha Babilon ïa baroh ki jingkynshew ha ka Templ bad ïingsyiem. Kumba U Trai u la ïathuhlypa, u Nebukhadnessar u la pynpait ïa baroh ki khiew ki pliang ksiar kiba u syiem Solomon u la thaw na ka bynta ban pyndonkam ha ka Templ.

SALM 78:58

Ki la pynbitar ïa u da ki jaka mane blei jong ki bymngeit, bad da ki bleithaw jong ki, ki pynlong ïa u ban bitar shla.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

JEREMAÏAH 12:12

Sha shiliang ki jaka kynjang baroh jong ka ri shyiap ki rangbah ki la wan ban lute. Nga la phah ïa ka thma ban pynjot ïa ka ri baroh kawei; yn ym don mano mano ba lah ban im ha ka jingsuk.

JEREMAÏAH 15:13

U Trai u la ong ha nga, “Ngan phah ïa ki nongshun ban kit noh ïa ka spah bad ïa ki jingkynshew jong ki briew jong nga, khnang ban pynshitom ïa ki na ka bynta ki pop kiba ki la leh ha kylleng ka ri.

JEREMAÏAH 20:5

Ngan shah ruh ba ki nongshun jong ki kin lute ïa baroh ka spah jong kane ka nongbah bad kurup ïa ka jingdon jingem baroh, wat ïa ki jingkynshew jong ki syiem ka Judah, bad kit noh ïa kiei kiei baroh sha Babilonia.

JEREMAÏAH 21:13

Pha ko Jerusalem, pha kaba shong shajrong eh na ki ri them, kum u mawsiang uba ïeng shajrong na ka madan. Hynrei ngan ïaleh pyrshah ïa pha. Pha ong ba ym don ba lah ban tur ïaleh ïa pha ne ban pynpra ïa ki jingker jong pha.

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.

ESEKIEL 16:39

Ngan buh ïa pha ha ka bor jong ki, bad kin pynkhyllem ïa ki jaka ha kiba pha ïaleh nuti bad mane bleithaw. Kin shim noh ïa ki jaiñ bad ïa ki mawlynnai jong pha bad kin iehnoh lyngkhuit khoit ïa pha.

ESEKIEL 23:46

Kane ka long kaei kaba U Trai Nongsynshar u ong: “Wallam ïa u paidbhur ban pynshyrkhei ïa ki bad ban lute ïa ki.

ESEKIEL 6:3

Ïathuh ïa ki lum ka Israel ban sngap ïa ka ktien jong U Trai — ban sngap ïa kaei kaba ma nga, U Trai Nongsynshar, nga ong ïa ki lumbah, ki lumrit, ki khap maw bad ki them: Ngan phah ïa ka waitlam ban pynjot ïa ki jaka ha kiba ki briew ki mane bleithaw.

LEBITIKOS 26:30

Ngan pynjot ïa ki jaka mane blei jong phi kiba ha ki lum, ngan pynpra ïa ki duwan thang jingiwbih jong phi, bad ngan bret ïa ki metïap jong phi halor ki bleithaw jong phi kiba la kyllon.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

SEPHANAÏAH 1:13

Ïa ka spah jong ki yn lute bad ïa ki ïing jong ki yn pynjot. Kin ym shong ha ki ïing kiba ki tei lane dih ïa ka waiñ na ki bri sohwaiñ kiba ki thung.”