JEREMAÏAH 17:27 - Khasi CL Bible (BSI)

²⁷ Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

KA BAIBL

²⁷ Hynrei, lada phin ym sngap ïa nga, ïa ka ban pynkyntang ïa ka sngi Sabbaton, bad ban ym kit jingkit bad rung na ki khyrdop ka Jerusalem ha ka sngi Sabbaton; te ngan tbeh ka ding ha ki khyrdop jong ka, bad kan bam duh ïa ki ïingpaki ka Jerusalem, bad yn ym pynlip ïa ka.”

JEREMAÏAH 17:27 ပူးပေါင်းရင်းမြစ်များ

2 SYIEM 22:17

Ki la kyntait ïa nga bad ki la ai ïa ki jingkñia ha kiwei ki blei, bad kumta la pynkhih bitar ïa nga da baroh kaba ki leh. Ka jingbitar jong nga ka khie pyrshah ïa ka Jerusalem, bad kan ym duh noh.

2 SYIEM 25:9

U la thang ïa ka Templ, ïa ka ïingsyiem, bad ïa baroh ki ïing jong ki rangbah bapawnam ha Jerusalem,

2 KHRONIKL 36:19

U thang ïa ka Templ bad ïa ka nongbah, lem bad ki ïingsyiem baroh bad ka spah jong ka, bad u pyntwa ïa ka kynroh jong ka nongbah.

SALM 122:7

Ai ba ka jingsuk kan don hapoh ki kynroh jong pha, bad ka jingshngain ha ki ïingsyiem jong pha.”

ISAÏAH 1:20

Hynrei lada pha leh pyrshah ïa nga, pha long kaba la shah tim ban ïap. Ma nga, U Trai, nga la kren.”

ISAÏAH 1:31

Kumba u skum u kem ding da i phylliah ding, kumta ïa ki rangbah badonbor yn pynjot da ki kam sniew jong ki hi, bad ym don mano mano ba lah ban pynsangeh ïa ka jingpynjot.

JEREMAÏAH 17:24

“Ïathuh ïa kine ki briew ba ki dei ban kohnguh ïa baroh ki hukum jong nga. Kim dei ban kit kano kano ka jingkit shapoh lyngba ki khyrdop jong kane ka nongbah ha ka Sabbaton. Ki dei ban rakhe ïa ka Sabbaton kum ka sngi bakyntang bad kim dei ban leh ïa kano kano ka kam.

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 18:1

U Trai u la ong ha nga,

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 22:5

Hynrei lada phim kohnguh ïa ki hukum jong nga, te nga smai ha phi ba kane ka ïingsyiem kan ngat ha ki jingjot. Ma nga, U Trai, nga la kren.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 39:8

Ha kata ka por, ki nong Babilonia ki la thang duh ïa ka ïingsyiem bad ïa ki ïing jong ki briew bad pynpra ïa ki kynroh ka Jerusalem.

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

JEREMAÏAH 49:27

Ngan pynpluh ïa ki kynroh jong ka Damaskos da ka ding bad yn thang khoit ïa ki ïingsyiem jong u syiem Benhadad. Ma nga, U Trai Badonbor Baroh, nga la kren.”

JEREMAÏAH 52:13

U phah thang ïa ka Templ, ka ïingsyiem, bad ki ïing jong ki riewpawkhmat baroh ha Jerusalem;

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

SNGEWSYNEI 2:6

U la tied pynlwet ïa ka Templ ha kaba ngi la ïamane ïa u; u la pynkut ïa ki sngi khuid bad ïa ki Sabbaton. U Syiem bad u lyngdoh kumjuh ki la sngew ïa ka bor ka jingbitar jong u.

SNGEWSYNEI 4:11

U Trai u la pyllait ïa ka bor ba-pura jong ka jingbitar jong u; u la pynmeh ka ding ha Seïon kaba la thang duh ïa ka haduh khyndew.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 21:15

Ka pynlong ïa ki briew jong nga ban duh ka jingshlur bad ban kyllon. Nga byrngem ïa ka nongbah jong ki da ka waitlam kaba thaba kum ka leilieh bad ka pynkhreh ban pynïap.

ESEKIEL 21:3

Ba ma nga, U Trai, nga ong: Nga long u nongshun jong phi. Ngan sei ïa ka waitlam jong nga bad ngan pynïap ïa phi baroh, kiba bha bad kiba sniew kumjuh.

ESEKIEL 22:8

Phim don jingburom ïa ki jaka bakhuid, bad phim sumar ïa ka Sabbaton.

ESEKIEL 23:38

Bad kata kam dei kaba ki la leh baroh. Ki pyntngit ïa ka Templ jong nga bad ki pynkheiñ ïa ka Sabbaton, kaba nga la pynskhem.

HOSIA 8:14

“Ki paid Israel ki la tei ïa ki ïingsyiem, hynrei ki la klet ïa la U Nongthaw. Ki paid Judah ki la tei ïa ki nongbah ba la ker kynroh. Hynrei ngan phah da ka ding ka ban thang duh ïa ki ïingsyiem bad ki nongbah jong ki.”

AMOS 1:10

Kumta ngan phah ka ding ha ki kynroh nongbah ka Tyros, bad kan thang duh ïa ki kut jong ka.”

AMOS 1:12

Kumta ngan phah ka ding ha nongbah Teman, bad kan thang duh ïa ki kut ka Bosrah.”

AMOS 1:14

Kumta ngan phah ka ding ha ki kynroh ka nongbah Rabbah, bad kan thang duh ïa ki kut jong ka. Te kan don ki jingkhynwin ha ka sngi ïaleh thma, bad ka jingïaleh kaba jur kum ka 'erlangthari.

AMOS 1:4

Kumta ngan phah ka ding ha ka ïingsyiem ba la tei da u syiem Hasael, bad ngan thang duh ïa ki kut jong u syiem Benhadad.

AMOS 1:7

Kumta ngan phah ka ding ha ki kynroh nongbah ka Gasa, bad kan thang duh ïa ki kut jong ka.

AMOS 2:2

Ngan phah ka ding ha ka ri Moab bad kan thang duh ïa ki kut ka Kerioth. Ki briew ka Moab kin ïap hapdeng ka jingkhynwin jong ka thma katba ki shipai ki dang khynwin bad ki turoi ki dang sawa.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.