JEREMAÏAH 17:23 - Khasi CL Bible (BSI)

²³ Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

KA BAIBL

²³ hynrei, kim shym sngap, lymne kim dem ïa la ka shkor, hynrei, ki la pyneh ïa la ka ryndang, khnang ba kin ym ïohsngew, bad ba kin ym pdiang ïa ka jinghikai.

JEREMAÏAH 17:23 ပူးပေါင်းရင်းမြစ်များ

SALM 50:17

Phi la kyntait ba ngan pynbeit ïa phi; phi la kyntait ïa ki hukum jong nga.

PROBERB 1:3

Ki lah ban hikai ïa phi kumno ban im kum kiba stad bad kumno ban long uba hok, uba lehhok, bad uba ïaid beit.

PROBERB 1:5

Kine ki proberb ki lah ban nang pynkhraw ïa ka jingtip jong ki riewstad bad kdew lynti ïa kiba la nang la tip,

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

PROBERB 5:12

“Balei keiñ ba ngam peiphang? Balei keiñ ba ngam shah ba kiwei kin pynbeit ïa nga?

PROBERB 8:10

Jied ïa ka jingbthah jong nga, ban ïa ka rupa; jied ïa ka jingtip, ban ïa ka ksiar nylla.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

JEREMAÏAH 11:10

Ki la leit phai pat sha ki pop jong ki kpa tymmen jong ki, kiba la kyntait ban leh ïa kaei kaba nga ong; ki la mane ïa kiwei pat ki blei. Baroh ar, ka Israel bad ka Judah ki la pynkheiñ ïa ka jutang kaba nga la pynlong bad ki kpa tymmen jong ki.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

JEREMAÏAH 7:28

Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

ESEKIEL 20:16

Nga la pynlong ka jingkular namar ba ki la kyntait ïa ki hukum jong nga, ki la pynkheiñ ïa ki aiñ jong nga, bad ki la pyntngit ïa ka Sabbaton — ki la kham jied ban mane ïa ki bleithaw.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

NONGBISHAR 6:10

Nga la ong ha phi ba nga long U Trai U Blei jong phi bad ba phim dei ban mane ïa ki blei jong ki Amor, ha ka ri jong ki ba phi ïashong mynta. Hynrei phim shym la shahshkor ïa nga.”