JEREMAÏAH 17:21 - Khasi CL Bible (BSI)

²¹ Ïathuh ïa ki ba lada ki ieit ïa la ka jingim, kim dei ban kit kano kano ka jingkit ha ka Sabbaton; kim dei ban rah ïa kano kano shapoh lyngba ki khyrdop jong ka Jerusalem

KA BAIBL

²¹ kumne u ong U Trai; “To sumar ïa lade, bad wat kit jingkit ha ka sngi Sabbaton, lymne wat wallam shapoh ïa ka na ki khyrdop ka Jerusalem;

JEREMAÏAH 17:21 ပူးပေါင်းရင်းမြစ်များ

EKSODOS 20:8

“Kynmaw ban rakhe ïa ka Sabbaton bad sumar kyntang ïa ka.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

ISAÏAH 56:2

Ngan kyrkhu ïa kito kiba ïai sumar ïa ka Sabbaton bad ki bym pyndonkam bakla ïa ka. Ngan kyrkhu ïa kito ki bym leh ïa kaei kaei kaba sniew.”

ISAÏAH 58:13

U Trai u ong, “Lada phi ñiew ïa ka Sabbaton kum kaba kyntang bad phin ym beh tang ïa la ki jong ki jingmyntoi ha kata ka sngi; lada phi ñiewkor ïa ka sngi kaba khuid jong nga bad lada phi burom ïa ka khlem da leit jingleit, treikam, lane shu bunktien bieit ha kata ka sngi,

MARKOS 4:24

U la ong ruh ha ki, “To shahshkor ïa kaei kaba phi ïohsngew! Da kijuh ki aiñ kiba phi bishar ïa kiwei, U Blei un sa pyndonkam ban bishar ïa phi — hynrei wat da kaba kham eh.

LOUKAS 8:18

“Da phikir, te, kumno phi pynshahshkor; namar ha uno uno uba don yn ai kham bun shuh, hynrei ha uno uno u bym don, un shah shim noh na u wat ïa kata kaba rit tam kaba u pyrkhat ba u don.”

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

DEUTERONOMI 11:16

Da husiar ban ym shah ïalam bakla noh na U Trai ban mane bad shakri ïa kiwei pat ki blei.

DEUTERONOMI 4:15

“Mynba U Trai u kren ha phi napdeng ka ding ha u Lum Sinai, phim shym la ïohi ïa kano kano ka dur.

DEUTERONOMI 4:23

Sumar ban ym klet ïa ka jutang ba U Trai U Blei jong phi u la pynlong bad phi. Kohnguh ïa ka hukum jong u ban ym thaw na ka bynta ïa lade ïa kano kano ka durblei,

DEUTERONOMI 4:9

Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

JOSHUA 23:11

Da sumar bha te, ban ieit ïa U Trai U Blei jong phi.