JEREMAÏAH 17:20 - Khasi CL Bible (BSI)

²⁰ Ïathuh ïa ki syiem bad ïa baroh ki briew jong ka Judah bad ïa uwei pa uwei uba shong ba sah ha Jerusalem bad rung sha kine ki khyrdop, ban shahshkor ïa kaei kaba nga ong.

KA BAIBL

²⁰ bad to ong ha ki, ‘To sngew phi ïa ka ktien U Trai, phi ki syiem ka Judah, bad ki Judah baroh, bad baroh kiba shong ha Jerusalem, kiba rung na kine ki khyrdop;

JEREMAÏAH 17:20 ပူးပေါင်းရင်းမြစ်များ

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

JEREMAÏAH 17:19

U Trai u la ong ha nga, “Ko Jeremaïah, khie leit bad pynbna ïa ka khubor jong nga ha ka Khyrdop Paidbah, kaba lyngba jong ka ki syiem jong ka Judah ki rung shapoh bad mih shabar ka nongbah; nangta leit sha baroh kiwei pat ki khyrdop jong ka Jerusalem.

JEREMAÏAH 19:3

U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 21:11

U Trai u la ïathuh ha nga ban ai ïa kane ka khubor ha ka ïingsyiem Judah, ki khun ki ksiew u Dabid: “To shahshkor ïa kaei kaba ma nga, U Trai, nga ong. To khmih ba yn don ka jingbishar hok man la ka sngi. Ïada ïa u briew uba shah thok na uta uba thok ïa u. Lada phim leh kumta, ka jingbymman kaba phi leh kan pynlong ïa ka jingbitar jong nga ban meh kum ka ding kaba ym lah ban pynlip.

ESEKIEL 2:7

Men ong ha ki ïa kaei ba nga bthah ïa me ban ong, lada ki sngap ne kim sngap. Kynmaw ba ki long ki nongïaleh pyrshah.

ESEKIEL 3:17

“Ko khun u briew,” u ong, “ngan buh ïa me kum u nongap phira na ka bynta ka jaitbynriew Israel. Men pynsngew ha ki ïa ki jingmaham kiba nga ai ïa me.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

MIKAH 3:1

To shahshkor, phi ki nongsynshar ki Israel! Phi la dei ban sngewkhia shaphang ka jingbishar hok,

JINGPYNPAW 2:29

“Te lada pha don ki shkor, shahshkor ïa kaei kaba U Mynsiem u ong ïa ki balang!