JEREMAÏAH 17:2 - Khasi CL Bible (BSI)

² Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

KA BAIBL

² haba ki khun jong ki, ki ïakynmaw ïa kita ki duwan jong ki bad ïa ki Asherah jong ki hajan ki dieng bajyrngam halor ki lum bajrong.

JEREMAÏAH 17:2 ပူးပေါင်းရင်းမြစ်များ

2 KHRONIKL 24:18

Kumta ki paidbah ki sangeh noh ban mane ha ka Templ jong U Trai, U Blei jong ki kpa tymmen jong ki, bad ki sdang ban mane ïa ki bleithaw bad ïa ki dur jong ka blei Asherah. Ka jingrem jong ki namar kine ki pop ka la wallam ïa ka jingbitar U Trai halor ka ha Judah bad ka Jerusalem.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 33:3

U tei pat ïa ki jaka mane blei thala kiba u Hesekaïah u kpa jong u, u la pynjot. U tei ki duwan ban mane ïa u Baal, u thaw ki dur jong ka bleithaw Asherah, bad u mane ïa ki khlur.

SALM 78:58

Ki la pynbitar ïa u da ki jaka mane blei jong ki bymngeit, bad da ki bleithaw jong ki, ki pynlong ïa u ban bitar shla.

EKSODOS 34:13

Pynban, pynpra ïa ki duwan jong ki, pynjot ïa ki rishot kyntang jong ki, bad pom pynduh ïa ki shab jong ka Asherah, ka blei jong ki.

ISAÏAH 1:29

Phin sngewsih ba phi la ju mane ïa ki dieng bad thung ki kper kyntang.

ISAÏAH 17:8

Kin ym shaniah shuh ha ki duwan kiba ki la thaw da ki kti jong ki, lane shaniah ha ki kam ki kti jong ki hi — ki dak jong ka bleithaw Asherah bad ki duwan ban thang jingiwbih.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

JEREMAÏAH 7:18

Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

DEUTERONOMI 12:2

Ha kata ka ri ba phi ïohkynti, pynjot ïa ki jaka baroh ha kiba ki briew ki mane ïa ki blei jong ki ha ki lum kiba jrong, ha ki lumrit, bad hapoh ki dieng kiba jyrngam.

NONGBISHAR 3:7

Ki paid Israel ki la klet ïa U Trai U Blei jong ki; ki la leh pop pyrshah ïa u bad mane ïa ki bleithaw Baal bad Asherah.