JEREMAÏAH 17:18 - Khasi CL Bible (BSI)

¹⁸ To wallam ka jingjahburom halor kito kiba pynshitom beiñ ïa nga, hynrei pyllait im ïa nga, A Trai. Pyndap ïa ki da ka jingshyrkhei, hynrei wat pynshyrkhei ïa nga. To wallam ka jingjot ha ki bad pynkdiah lyngkhot ïa ki.

KA BAIBL

¹⁸ To kin lehrain kita kiba behbeiñ ïa nga, hynrei, wat ai ba ngan lehrain ma nga; to kita kin sngewtriem, hynrei, wat ai ba ngan sngewtriem ma nga: to pynwan halor jong ki ïa kata ka sngi ka jingsniew, bad to pynjot ïa ki da ka jingpynjot kaba ar shah.

JEREMAÏAH 17:18 ပူးပေါင်းရင်းမြစ်များ

Ka Kitab U Job 16:14

U ïai pynmynsaw ïa nga; u tur ïaleh kum u shipai ba la lamwir da ka jingisih.

SALM 35:4

Ai ba kito kiba pyrshang ban pynïap ïa nga kin shahjop bad jahburom! Ai ba kito kiba ïasylla pyrshah ïa nga kin phai kylla bad kin dum buit!

SALM 35:8

Hynrei ka jingpynjot kan lap ïa ki shuwa ba kin tip ïa ka! Bad kin sa ngat ha la ka jong hi ka jingriam; bad hap ha la ka jong ka jingpynjot!

SALM 40:14

Ai ba kito kiba pyrshang ban pynïap ïa nga kin shahjop khoit bad dum buit. Ai ba kito kiba kmen namar ki jingjynjar jong nga yn pynphai pat bad pynjahburom.

SALM 70:2

Ai ba kito kiba pyrshang ban pynïap ïa nga kin shahjop bad kin shaïong. Ai ba kito kiba kmen namar ki jingjynjar jong nga yn pynphai dien bad pynjahburom.

SALM 71:1

A Trai, nga la wan ha me ban ïoh jingïada; wat shah da lei lei ba ngan shahjop!

JEREMAÏAH 1:17

Pynkhreh, ko Jeremaïah; khie leit bad ïathuh ïa ki ïa kaei kaei baroh kaba nga hukum ïa me ban ong. Wat leit sheptieng ïa ki mynta, ïoh ba ngan pynlong ïa me uba kham sheptieng haba me don bad ki.

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 12:3

Hynrei, A Trai, me ithuh ïa nga; me ïohi kaei ba nga leh, bad kumno nga la ieit ïa me. To paring sharud ïa kine ki rangbah basniew kum ïa ki langbrot ki ban shah ot doh; to sumar ïa ki tad haduh ba ka dei ka por ïa ki ban shah pynïap.

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 17:16

Hynrei, A Trai, ngam ju kyrpad ïa me ban wallam ka jingpynjot halor jong ki; ngam shym la kwah ïa ka por jingjynjar na ka bynta jong ki. A Trai, me tip ïa kane; me tip ïa kaei kaba nga la ong.

JEREMAÏAH 17:19

U Trai u la ong ha nga, “Ko Jeremaïah, khie leit bad pynbna ïa ka khubor jong nga ha ka Khyrdop Paidbah, kaba lyngba jong ka ki syiem jong ka Judah ki rung shapoh bad mih shabar ka nongbah; nangta leit sha baroh kiwei pat ki khyrdop jong ka Jerusalem.

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

DEUTERONOMI 33:11

Ko Trai, to ïarap ïa ka jait jong ki ba kan nang khlaiñ; To pdiang sngewbha kat ïa kaba ki pyndep, To pynlwet ïa ki nongshun jong ki, Ba kin ym khie khlieh shuh lano lano.”

JINGPYNPAW 18:6

Leh ïa ka thik kumba ka la leh ïa phi; siew kylliang ar shah ïa ka na ka bynta baroh kaba ka la leh. Pyndap ïa ka khuri jong ka da ka jingdih kaba ar shah ka jingkhor kum ka jingdih kaba ka la pynkhreh na ka bynta jong phi.