JEREMAÏAH 17:14 - Khasi CL Bible (BSI)

¹⁴ A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

KA BAIBL

¹⁴ To pynkhiah ïa nga, A Trai, te yn pynkhiah ïa nga; to pynim ïa nga, te yn pynim ïa nga: naba me long ka jingïaroh jong nga.

JEREMAÏAH 17:14 ပူးပေါင်းရင်းမြစ်များ

SALM 106:47

To pynim ïa ngi, A Trai, U Blei jong ngi, bad wallam pat ïa ngi napdeng ki jaitbynriew, ba ngi lah ban sngewnguh bad ïaroh ïa ka kyrteng bakhuid jong me.

SALM 109:1

Nga ïaroh ïa me, A Blei; to wat sngap jar!

SALM 119:94

Nga long u jong me — A pynim ïa nga! nga la pyrshang ban kohnguh ïa ki hukum jong me.

SALM 12:4

“Da ki kyntien jong ngi, ngi ïoh ïa kaei kaba ngi kwah. Ngin kren ïa kaei kaba ngi mon, bad ym don mano mano ba lah ban pynsangeh ïa ngi.”

SALM 148:14

U pynlong ïa ka hima jong u kaba khlaiñ, ba kumta baroh ki briew jong u ki ïaroh ïa u — ki paid Israel, kiba u ieit eh. To ïaroh ïa U Trai!

SALM 54:1

To pynim ïa nga da ka bor jong me, A Blei; pyllaitluid ïa nga da ka borbah jong me!

SALM 6:2

Nga la ringswai, A Trai; to isynei ïa nga! Pynshaitbor ïa nga; naba nga la lwait shikatdei

SALM 6:3

bad ka longrynïeng jong nga baroh kawei ka khuslai sat. Tad lano, A Trai, men nang ap ban ïarap ïa nga?

SALM 6:4

To wan bad pyllait im ïa nga, A Trai; ha ka jingisynei jong me to pyllait ïa nga.

SALM 60:5

To pyllait im ïa ngi da ka borbah jong me; to jubab ïa ki jingduwai jong ngi, khnang ba ki briew kiba me ieit kin ïohlait im.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

JEREMAÏAH 15:20

Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JINGKHEIÑ 12:13

Kumta u Moses u la kyang ha U Trai, “A Blei, to pynkhiah ïa ka!”

MATHAÏOS 14:30

Hynrei haba u la ïohi ïa ka lyer kaba khlaiñ, u la sheptieng bad u la sdang ban ngam shapoh um. “To pynim ïa nga, A Trai!” u la pyrta.

MATHAÏOS 8:25

Ki synran ki la ïaleit sha u bad kyrsiew ïa u. “Pyllait im ïa ngi, A Trai!” ki la ong. “Ngin sa ïap!”

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

DEUTERONOMI 10:21

U long uba phi dei ban ïaroh — u long U Blei jong phi; bad phi la ïohi da la ki khmat ïa ki kam kiba khraw bad kiba phylla kiba u la leh na ka bynta jong phi.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.