JEREMAÏAH 17:13 - Khasi CL Bible (BSI)

¹³ A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

KA BAIBL

¹³ A Trai, ka jingkyrmen ki Israel, baroh kiba lyndet ïa me kin lehrain; kita kiba iehnoh noh ïa nga yn thoh ïa ki ha ka khyndew, namar ba ki la lyndet ïa U Trai, ka umpohliew kaba im.

JEREMAÏAH 17:13 ပူးပေါင်းရင်းမြစ်များ

SALM 22:4

Ki kpa tymmen jong ngi ki buh ka jingshaniah ha me; ki shaniah ïa me, bad me pynim ïa ki.

SALM 69:29

Hynrei nga don ha ka jingpang bad ka jingduh jingkyrmen; to kyntiew ïa nga, A Blei, bad to pynim ïa nga!

SALM 71:5

A Trai U Nongsynshar, nga buh ïa ka jingkyrmen jong nga ha me; nga la shaniah ha me naduh ba nga dang samla.

SALM 73:27

Kito kiba iehnoh ïa me kin ïap da shisha; men pynjot thiaw ïa kito ki bymïaineh ha me.

SALM 97:7

Baroh kiba mane bleithaw kin shah pynlehrain, baroh ki blei ki dem ngon ha khmat jong U Trai.

PROBERB 10:7

Ïa ki briew kiba bha yn ïai kynmaw kum ka jingkyrkhu; hynrei ïa ki riewbymman yn klet noh.

PROBERB 14:14

Ki briew kiba sniew kin ïoh ïa kaei kaba ki dei ban ïoh. Ki briew kiba bha kin ïoh bainong na ka bynta ki kam jong ki.

ISAÏAH 1:28

Hynrei un pynlwet ïa uwei pa uwei uba leh pop bad uba ïaleh pyrshah ïa u; un pynïap ïa uwei pa uwei uba la iehnoh ïa u.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 17:17

Wat ym long ka jingshyrkhei ïa nga; me long ka jaka shngain jong nga haba ka jingjynjar ka wan.

JEREMAÏAH 17:18

To wallam ka jingjahburom halor kito kiba pynshitom beiñ ïa nga, hynrei pyllait im ïa nga, A Trai. Pyndap ïa ki da ka jingshyrkhei, hynrei wat pynshyrkhei ïa nga. To wallam ka jingjot ha ki bad pynkdiah lyngkhot ïa ki.

JEREMAÏAH 17:5

U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

ESEKIEL 13:9

Nga la jan ban pynshitom ïa phi ki nongïathuhlypa kiba don ki jingïohipaw ba bakla bad kiba thaw ki jingïathuhlypa kiba ïalam bakla. Phin ym don hangta haba ki briew jong nga ki ïalumlang ban ïashim ïa ki rai; ïa ki kyrteng jong phi yn ym kynthup ha ka thup kyrteng jong ki traishnong ka Israel; phin ym wan phai shuh da lei lei sha ka ri ka jong phi. Nangta phin tip ba nga long U Trai Nongsynshar.

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

ESEKIEL 36:32

Ko Israel, nga kwah ba phin tip ba ngam shym leh ïa kane baroh namar jong phi. Nga kwah ba phin da sngewlehrain bad sngewjahburom ïa kaei kaba phi la leh. Ma nga, U Trai Nongsynshar, nga la kren.”

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

SEKHARAÏAH 13:1

“Haba kata ka por ka poi,” ong U Trai Badonbor Baroh, “yn plie ïa ka umpohliew ban pynkhuid ïa ki khun ki ksiew jong u Dabid bad ïa ki briew jong ka Jerusalem na ka pop bad ka jingmane bleithaw jong ki.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

LOUKAS 10:20

Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

KI KAM 28:20

Dei na kata ka daw nga la kyrpad ban ïakynduh ïa phi bad ban ïakren bad phi. Ha ka jingshisha, la khum kynjri ïa nga kumne na ka bynta jong uta ïa uba ki paid Israel ki kyrmen.”

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.