JEREMAÏAH 17:11 - Khasi CL Bible (BSI)

¹¹ U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

KA BAIBL

¹¹ Kum ka 'iar khlaw kaba lum khun kiba kam shym la kha, kumta long uta uba lum spah, hynrei, ym da ka hok; hapdeng ki sngi jong u kin iehnoh ïa u, bad ha kaba kut jong u un long u babieit.

JEREMAÏAH 17:11 ပူးပေါင်းရင်းမြစ်များ

Ka Kitab U Job 20:21

Haba u bam, ym ju don jingpynsah tam, hynrei mynta um don shuh ka jingpahuh pahai.

SALM 49:13

Khmih kaei kaba jia ïa kito kiba shaniah ha lade, ka kupar jong kito kiba sngewhun bad ka spah jong ki —

SALM 55:23

Hynrei ma me, A Blei, men wallam ïa kito ki nongpynïap briew bad ki nongshukor sha ki jingtep jong ki ha shuwa ba shiteng jingim jong ki kan kut noh. Katba ma nga, ngan shaniah ha me.

PROBERB 13:11

Ka jingïoh ïa ka spah da kaba suk eh, ka jinglut noh jong ka ruh ka long kaba kloi eh. Kaba kham eh ban ïoh ïa ka, kaba kham roi ruh ka jingïoh ïa ka.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

PROBERB 21:6

Ka spah ba phi ïoh da ka jingbymhok shen kan jah noh; hynrei ym ha shuwa ba kan ïalam ïa phi sha ki tyngam jong ka jingïap.

PROBERB 23:5

Ka pisa jong phi kan jah noh tang ha ka shikhyllipmat, kum kaba don thapniang bad ka her noh kum ka pukni.

PROBERB 28:16

U nongsynshar uba khlem ka jingshemphang un long u nonglehbeiñ uba runar. Uta uba isih ïa ka jingbymhok un synshar slem.

PROBERB 28:20

Ki briew kiba lehhok kin ïoh ka jingim kaba kyrhai bad kaba suk. Hynrei lada phi long kyrkieh ban riewspah, phin ym lait na kaba shah pynshitom.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

JEREMAÏAH 22:13

Long ba la tim ïa u briew uba tei ïa la ka ïing da ka jingbymhok, bad uba pynheh pynïar ïa ka da ka jingleh bymhok; uba pynlong ïa la ki para shnong ban trei khlem nong, bad u bym siew bainong ïa ki.

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

MIKAH 2:9

Phi beh noh ïa ki kynthei jong ki briew jong nga na ki ïing ba ki ieit, bad phi lute khlem kut ïa ki jingkyrkhu jong nga na ki khun jong ki.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

SEPHANAÏAH 1:9

Ngan pynshitom ïa baroh kiba mane kum ki nongmane bleithaw bad kiba tuh bad pynïap khnang ban pyndap ïa ka ïing u kynrad jong ki da ka jinglute.

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

1 TIMOTHI 6:9

Hynrei kito kiba kwah ban riewspah ki hap ha ka jingpynshoi bad ki ngat ha ka jingriam jong ki jingkwah ba-bieit bad ki jingkwah ba-pynmynsaw, kiba tan ïa ki sha ka jingjot bad ka jingpynjot.

TITOS 1:11

Ka long kaba donkam ban pynsngap jar ïa ka jingïathuh jong ki, namar ki pynkylla khongpong ïa ki longïing baroh da kaba hikai ïa kaei kaba kim dei ban hikai, bad baroh ka long ïa ka jingthmu basngewlehrain ban thaw pisa.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!