JEREMAÏAH 17:10 - Khasi CL Bible (BSI)

¹⁰ Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

KA BAIBL

¹⁰ “Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

JEREMAÏAH 17:10 ပူးပေါင်းရင်းမြစ်များ

1 SYIEM 8:39

To shahshkor ïa ki na ka ïing jong me ha bneng, map ïa ki, bad ïarap ïa ki. Tang ma me hi uba tip ïa ki jingmut jong ka dohnud briew.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

2 KHRONIKL 6:30

To shahshkor ïa ki na ka ïing jong me ha bneng bad to map ïa ki. Tang ma Me, me tip ïa ki jingpyrkhat ka dohnud briew. To leh ïa uwei pa uwei u briew kumba ka dei ïa u,

Ka Kitab U Job 34:11

U ai bainong ïa ki briew ïa kaei kaba ki leh bad u leh ha ki kat kum kaba ki dei hok.

SALM 44:21

Da shisha men jin da la shem ïa kata, namar me tip ïa ki jingmut barieh jong ngi.

SALM 44:22

Hynrei ka dei na ka bynta jong me, ba ïa ngi la pynïap noh man la ka por, ba la pynlong ïa ngi kum ki langbrot ba dei ban shah pynïap.

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

SALM 7:10

U Blei u long u nongïada jong nga; u pynim ïa kito kiba kohnguh ïa u.

SALM 7:9

Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

ISAÏAH 59:18

Un pynshitom ïa ki nongshun jong u kat kum ki jingleh jong ki, wat ïa kito kiba shong sha ki ri kiba jngai.

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

JEREMAÏAH 20:12

Hynrei, ko Trai Badonbor Baroh, me tynjuh hok ïa ki briew; me tip kaei kaba don hapoh ki dohnud bad ka jingmut jong ki. Kumta shah ngan ïohi ba me pynhiarkput halor ki nongshun jong nga, namar nga la buh ïa ka kam jong nga ha ki kti jong me.

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 23:2

Kane ka long kaei ba U Trai, U Blei ki Israel, u ong shaphang ki nongsynshar kiba la tharai ba kin sumar ïa ki briew jong u: “Phim shym la sumar bha ïa ki briew jong nga; phi la pynsakma ïa ki bad phi la beh noh ïa ki. Mynta ngan pynshitom ïa phi namar ka jingbymman jong phi kaba phi la leh.

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

ESEKIEL 11:5

U Mynsiem jong U Trai u la bat synshar ïa nga, bad U Trai u la bthah ïa nga ban ai ha ki briew ïa kane ka khubor: “Ko ki paid Israel, nga tip ïa kaei kaba phi ong bad ïa kaei kaba phi thmu.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

MIKAH 7:13

Hynrei ka pyrthei kan long kum ka ri shyiap namar ka jingbymman jong kito kiba shong ha ka.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 6:4

Te kan long ka kam kaba rieh. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

ÏOANNIS 2:25

Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.

KI KAM 1:24

Nangta ki la duwai, “A Trai, me tip ïa ki jingpyrkhat jong uwei pa uwei, kumta pyn-i ha ngi uno na kine ar ngut uba me la jied

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!

Ka Shithi U Paul Sha Ki Nong Rom 8:27

Bad U Blei, uba ïohi ïa kaba shapoh ki dohnud jong ngi, u tip kaei ka long jingmut jong U Mynsiem; namar U Mynsiem u ïasaid bad U Blei na ka bynta la ki briew bad kat kum ka mon jong u.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”