JEREMAÏAH 17:1 - Khasi CL Bible (BSI)

¹ U Trai u ong, “Ko ki briew jong ka Judah, ïa ka pop jong phi la thoh da u khulom nar; la pruid jylliew halor ki dohnud jong phi da u diamond banep bad la ohdur halor ki dong jong ki duwan jong phi.

KA BAIBL

¹ Ïa ka pop ki Judah la thoh da u khulom nar, bad da ka khmut u diamond: la mut dak ïa ka ha u maw lyngkniap ka dohnud jong ki, bad ha ki reng ki duwan jong phi;

JEREMAÏAH 17:1 ပူးပေါင်းရင်းမြစ်များ

PROBERB 3:3

Wat ai ba ka jinglong bashaniah bad baïaineh kin iehnoh ïa phi. Teh ïa ki sawdong ka ryndang jong phi; thoh ïa ki ha ka dohnud jong phi.

PROBERB 7:3

sumar ïa ki jinghikai jong nga ha ki por baroh; thoh ïa ka ha ka dohnud jong phi.

ISAÏAH 49:16

Ko Jerusalem, ngam lah ban klet ïa pha! Nga la thoh ïa ka kyrteng jong pha ha ki lynghoh kti jong nga.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 2:22

Wat lada me la sait da ka sabon kaba khlaiñ, ngan dang ïai ïohi ïa ka jingkhah jaboh jong ka jingpalat jong me.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

HOSIA 12:11

La katta ruh ki dang mane ïa ki bleithaw ha Gilead, bad kito kiba mane ïa ki kin ïap. Ha Gilgal ki kñia ïa ki masi kyrtong, bad ki duwan hangta kin kylla long kum ki kynton maw ha ki pyntha bym don jingkah.”

HOSIA 7:2

Kam ju rung ha ki jingmut jong ki ba ngan kynmaw ïa kane ka kam sniew baroh; hynrei ki pop jong ki, ki ker sawdong ïa ki, bad ngam lah khlem da ïohi ïa ki.”

HOSIA 8:11

“Katba nang bun ki duwan ba ki paid Israel ki thaw ban pynkhuid ïa ki pop, katta nang bun ki jaka ba ki ïoh ban leh pop.

LEBITIKOS 4:25

U lyngdoh un wieh ïa la ka shynriah'ti ha ka snam jong uta u mrad, un tah ïa ka ha ki reng kiba don ha ki dong jong ka duwan, bad un theh ïa kaba sah, ha trai jong kata ka duwan.

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.