JEREMAÏAH 16:9 - Khasi CL Bible (BSI)

⁹ Shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan pynsngap jar ïa ki jingsawa ka jingkmen bad ka jingshadkmen bad ki jingsawa bakmen jong ki jingkhawai shongkurim. Ki briew hangne kin im ban ïohi ba kane ka jia.

KA BAIBL

⁹ Naba kumne u ong U Trai ki paid, U Blei ki Israel: “Ha khmih, ngan pynduh noh na kane ka jaka, ha khmat jong phi bad ha ki sngi jong phi, ïa ka jingsawa ka jingtamsa bad ka jingsawa ka jingkmen, bad ïa ka jingsawa u nongleit-kurim bad ka jingsawa ka nongleit-kurim.

JEREMAÏAH 16:9 ပူးပေါင်းရင်းမြစ်များ

SALM 78:63

Ki samla shynrang ki la shah pynïap ha ka thma, bad ïa ki samla kynthei jong ki kim don uno uno ban shongkurim.

JEREMAÏAH 25:10

Ngan pynsngap jar ïa ki jingkyang ka jingkmen bad ïa ka jinglehkmen bad ïa ka sur ïaleh sngewbha ha ki jingkhawai shongkurim. Kin ym don umphniang ïa ki sharak jong ki, bad kin ym don shuh ïa u kew.

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

ESEKIEL 12:25

Ma nga, U Trai, ngan kren ha ki, bad ïa kaei kaba nga ong yn pyndep. Yn ym don shuh ka jingpyntud. Ha ka por ka jong phi hi, ko ki nongïeng ïaleh pyrshah, ngan leh ïa kaei kaba nga la maham ïa phi ba ngan leh. Nga la kren,” ong U Trai Nongsynshar.

ESEKIEL 26:13

Ngan pynkut noh ïa ki jingrwai jong pha baroh, bad ngan pynsngap jar ïa ki sur tem na ki duitara jong pha.

HOSIA 2:11

Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.