JEREMAÏAH 16:7 - Khasi CL Bible (BSI)

⁷ Ym don mano mano ban bam lane dih badno badno ban pyntngen ïa u mynba iba ieit bathoiñ i ïap. Ym don mano mano ban pyn-i jingsngewlem, wat ïa uta uba la duh noh ïa la u kpa lane ïa ka kmie.

KA BAIBL

⁷ lymne ki briew kin ym kdiah kpu na ka bynta jong ki ha kaba ïambriew, ban pyntngen ïa ki namar ki baïap; lymne kin ym ai dih ïa ki na ka khuri ka jingpyntngen namar u kpa jong ki lane namar ka kmie jong ki.

JEREMAÏAH 16:7 ပူးပေါင်းရင်းမြစ်များ

Ka Kitab U Job 42:11

Baroh ki hynmen ki para jong u Job, kynthei bad shynrang, bad ki paralok barim jong u, ki la wan jngoh ïa u bad ïabam sngewbha bad u ha ka ïing jong u. Ki la pynpaw ïa ka jingsngewlem jong ki bad ki pyngtngen ïa u namar ki jingjynjar baroh ba U Trai u la wallam halor jong u. Uwei pa uwei na ki u la ai katto katne ka pisa bad ka sati ksiar.

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

JEREMAÏAH 22:10

Ko ki paid Judah, wat ïam na ka bynta u syiem Josaïah, wat ïam pangnud ïa ka jingïap jong u. Hynrei ïamkthang na ka bynta u Joahas, u khun jong u; ki la rah noh ïa u bad un ym wan phai shuh, un ym ïohi shuh ïa ka ri ha kaba la kha ïa u.

SNGEWSYNEI 1:9

Ïa ka jingbymkhuid jong ka lah ban ïohi da kaba suk, hynrei kam shym la pynpaw jingsngewkhia ei ei ïa la ka kupar. Ka jingkyllon jong ka, ka long kaba shyrkhei; ym don mano mano ba lah ban pyntngen ïa ka. Ki nongshun jong ka ki la jop, bad ka kyang sha U Trai na ka bynta ka jingisynei.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

HOSIA 9:4

Ha kito ki ri nongwei kin ym lah ban ai ka jingainguh waiñ ha U Trai, lane wanlam ki jingkñia ha u. Ki jingbam jong ki kin pyntngit ïa uno uno uba bam ïa ki, kum ki jingbam ba bam ha ka por ïapbriew. Yn pyndonkam ïa ki tang ban pynkdang ïa la ka jingthngan; ym don kawei ruh ka ban shim kum ka jingainguh ha ka Templ U Trai.

DEUTERONOMI 26:14

Mynba nga ïambriew, ngam shym la bam ei ei na ka; mynba nga long u bymkhuid, ngam shym la rah ei ei na ka shabar ïing; bad ngam shym la ai ei ei na ka kum ka jingainguh ïa kiba ïap. Nga la kohnguh ïa me, ko Trai; nga la leh ïa kaei kaei baroh kat kaba me la hukum ïa nga kiba ïadei bad kawei na ki shiphew.