JEREMAÏAH 16:6 - Khasi CL Bible (BSI)

⁶ Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

KA BAIBL

⁶ Bad ki bakhraw bad ki barit kin ïap ha kane ka ri: yn ym tep ïa ki, lymne ki briew kin ym ïambriew ïa ki, lymne kin ym ot ïa lade, lymne pynlyndum ïa lade namar jong ki:

JEREMAÏAH 16:6 ပူးပေါင်းရင်းမြစ်များ

2 KHRONIKL 36:17

Kumta U Trai u wallam ïa u syiem ka Babilonia bad tur ïaleh ïa ki. U syiem u pynïap ïa ki samla shynrang ka Judah, wat hapoh ka Templ hi. Um don jingsngewsynei ïano ïano, samla ne tymmen, shynrang ne kynthei, uba pang ne uba koit. U Blei u aiti ïa ki baroh ha u.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

ISAÏAH 24:2

Uwei pa uwei un ïakynduh ïa kajuh ka kupar — ki lyngdoh bad ki briew, ki mraw bad ki kynrad, kiba thied bad kiba die, kiba ai kylliang bad kiba shim kylliang, kiba riewspah bad kiba duk.

JEREMAÏAH 13:13

Nangta ïathuh ïa ki ba ma nga, U Trai, ngan pyndap ïa ki briew ha kane ka ri da ka waiñ tad haduh ba kin buaid: ki syiem, kiba long kiba hiarpateng na u Dabid, ki lyngdoh, ki nongïathuhlypa, bad baroh ki briew jong ka Jerusalem.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 47:5

Ka jingsngewsih bakhraw ka la wan ha ki briew jong ka Gasa, bad ki briew jong ka Ashkelon ki sngap jar. Katno slem kiba dang sah ha Philistia kin ïam sngewsih?

JEREMAÏAH 48:37

Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

LEBITIKOS 19:27

Wat khap ïa u shñiuh ha ki kynriang ka khlieh jong phi lane khih ïa ki tmain

LEBITIKOS 19:28

lane pruid dak ha la ka met lane pynmong ïa la ka doh ban ïambriew ïa kiba ïap. Nga long U Trai.

AMOS 6:11

Haba U Trai u ai ïa ka hukum, ki ïing kiba rit bad kiba heh kin shah pynpra lyngkhot lyngkhai.

MATHAÏOS 9:23

Nangta U Jisu u la leit shapoh ka ïing jong u rangbah synshar. Haba u la ïohi ïa ki nongput nongtem na ka bynta ka jingontep bad ba ki briew baroh ki la khihwin,

DEUTERONOMI 14:1

“Phi dei ki briew jong U Trai U Blei jong phi. Kumta haba phi ïam haba ïap mano mano, wat pynmong ïa lade lane khi ïa ki bynta ka khmat jong phi, kumba leh kiwei pat ki jaitbynriew.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 6:15

Te ki syiem jong ka pyrthei, ki nongsynshar bad ki rangbah shipai, kiba riewspah bad kiba donbor, bad kiwei pat ki briew baroh, ki mraw ne kiba laitluid, ki la buhrieh ïa lade ha ki krem bad ha ki synrang maw ba-don ha ki lum.