JEREMAÏAH 16:5 - Khasi CL Bible (BSI)

⁵ “Mem dei ban rung shapoh ka ïing ha kaba don ka jingïambriew. Wat ym ïam sngewsih na ka bynta jongno jongno. Ngan ym kyrkhu shuh ïa ki briew jong nga da ka jingsuk lane pyn-i ha ki ïa ka jingieit bad ka jingisynei.

KA BAIBL

⁵ Naba kumne u ong U Trai, “Wat leit bsut sha ka ïing ba ki ïam sngewsih, lymne wat leit ban ïambriew, lymne wat ud isynei ïa ki: naba nga la shim noh ïa la ka jingsuk na kine ki briew,” ong U Trai, “ïa ka jingleh ieit bad ki jingisynei bajem keiñ.

JEREMAÏAH 16:5 ပူးပေါင်းရင်းမြစ်များ

SALM 25:6

To kynmaw, A Trai, ïa ka jingsbun bad ka jingieit baneh jong me, kiba me la pyn-i naduh ki por barim.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

JEREMAÏAH 12:12

Sha shiliang ki jaka kynjang baroh jong ka ri shyiap ki rangbah ki la wan ban lute. Nga la phah ïa ka thma ban pynjot ïa ka ri baroh kawei; yn ym don mano mano ba lah ban im ha ka jingsuk.

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

JEREMAÏAH 16:13

Kumta te, ngan bret ïa phi shabar jong kane ka ri sha ka ri kaba ma phi lymne ki kpa tymmen jong phi, phim pat ju tip. Bad hangta phin shakri ïa kiwei pat ki blei mynsngi bad mynmiet, bad ngan ym pyn-i jingisynei ïa phi.’ ”

SNGEWSYNEI 3:17

Nga la klet noh kaba kumno ka jingkhiah bad ka jingsuk bad ka jingkmen ki long.

SEKHARAÏAH 8:10

Ha shuwa kata ka por ym don mano mano ba lah bor ban wai la ïa ki mrad lymne ki briew, ban ym don mano mano ba lait na ki nongshun jong u. Nga la pynphai ïa ki briew pyrshah iwei ïa iwei pat.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

JINGPYNPAW 6:4

Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.