JEREMAÏAH 16:4 - Khasi CL Bible (BSI)

⁴ Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

KA BAIBL

⁴ “Kin ïap da ki jingïap kiba shitom; yn ym ïambriew ïa ki, lymne yn ym tep ïa ki; kin long kum ka kynsha halor ka khmat ka khyndew: bad yn bam duh ïa ki da ka waitlam, bad da ka 'nemsniew; ki metïap jong ki kin long jingbam ïa ki sim ka suiñ, bad ïa ki mrad khlaw ka khyndew.”

JEREMAÏAH 16:4 ပူးပေါင်းရင်းမြစ်များ

2 SYIEM 9:10

Ïa ka Jesebel yn ym tep; ïa ka met jong ka yn bam da ki ksew ha ka thain jong ka Jesreel.’ ” Hadien ba u la ong ïa kane, u nongïathuhlypa samla u la mihnoh na ka kamra bad u la phet ïap.

SALM 78:64

Ki lyngdoh ki ïap da ka jinglehbor, bad ïa ki riewkynthei jong ki ym shym la shah ban ïambriew.

SALM 83:10

Me la jop ïa ki ha Endor, bad ki met jong ki, ki la pyut ha ka khyndew.

ISAÏAH 18:6

Ïa ki metïap jong ki shipai jong ki yn iehnoh ha ki sim bad ki mradkhlaw. Ha ka lyiur ki sim kin bam ïa ki, bad ha ka tlang ki mrad.”

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

JEREMAÏAH 19:7

Ha kane ka jaka ngan pynpulom ïa baroh ki jingthmu jong ki briew ka Judah bad ka Jerusalem. Ngan shah ïa ki nongshun jong ki ban risa halor jong ki bad pynïap ïa ki ha ka thma. Ngan ai ïa ki metïap jong ki ha ki sim bad ha ki mradkhlaw kum ka jingbam.

JEREMAÏAH 21:6

Ngan pynïap ïa uwei pa uwei uba shong ha kane ka nongbah; ki briew bad ki mrad kumjuh; kin ïap da ka khlam kaba shyrkhei.

JEREMAÏAH 25:33

Ha kata ka sngi ki met jong kito ïa kiba U Trai u la pynïap kin saphriang na bakut sha bakut ka pyrthei. Yn ym don ba ïambriew ïa ki, bad yn ym don ba shim noh bad tep; kin sah ha khyndew kum ki kynton sboh.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 34:20

Ngan aiti noh ïa ki sha ki nongshun jong ki, kiba kwah ban pynïap ïa ki, bad ïa ki metïap jong ki yn bam da ki sim bad ki mradkhlaw.

JEREMAÏAH 36:30

Te mynta, ma nga U Trai, nga ong ha me, ko syiem Jehoïakim, ba yn ym don u ban hiarpateng na me u ban synshar shuh halor ka hima u Dabid. Ïa ka metïap jong me yn bret shabar ha ka jingshit kyr-ang ka sngi ha ka por mynsngi bad ha u thah mynmiet.

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

JEREMAÏAH 9:22

Ki metïap ki la saphriang ha kylleng, kum ki kynton sboh halor ki lyngkha, kum u riewhadem ba la ot bad iehnoh da ki nongot, u riewhadem u bym don mano mano ba lum. Kane ka long kaei kaba U Trai u la bthah ïa nga ban ong.”

SNGEWSYNEI 4:9

Kito kiba la ïap ha ka thma ki la long kiba kham bit ban ïa kito kiba ïap hadien, kiba ïap suki ha ka jingthngan, khlem kano kano ka jingbam ban ri pynim ïa ki.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

ESEKIEL 5:12

Shi bynta na ka lai bynta jong ki briew jong pha kin ïap na ka jingpang bad jingthngan ha ka nongbah; shi bynta pat kin ïap da ka waitlam shabar ka nongbah; bad ïa ka shi bynta kaba dang sah ngan pynsakma sha ki sawlyer, bad ngan beh ïa ki nadien da ka waitlam.

SEPHANAÏAH 1:17

U Trai u ong, “Ngan wallam ïa ki jingpynjot kiba kum kine ha u bynriew ba uwei uwei baroh un tare shane shatai kum u briew bamatlah. Ki la leh pop pyrshah ïa nga, bad mynta ïa ka snam jong ki yn theh noh kum ka um, bad ki metïap jong ki kin pyut ha khyndew.”

DEUTERONOMI 28:22

U Trai un shoh ïa phi da ka jingkhrew, da ka khieshoh, da ka jingat thung, bad da ka jingshit kyr-ang; un phah ruh ïa ka jingryngkhiang, ki lyer khluit, ban pynjot ïa ki jingthung jong phi. Kine ki jingpynjot kin ïailong bad phi haduh ba phin da ïap.

DEUTERONOMI 28:26

Ynda phi ïap, ki sim bad ki mrad kin bam ïa ki metïap jong phi, bad yn ym don ba leit beh ïa ki.