JEREMAÏAH 16:21 - Khasi CL Bible (BSI)

²¹ “Kumta te,” ong U Trai, “Tang shisien keiñ ngan pynlong ïa ki jaitbynriew ban tip ïa ka bor bad ka jingkhlaiñ jong nga; kin tip ba nga long U Trai.”

KA BAIBL

²¹ “Namar kata, ha khmih, ngan pyntip ha ki, ha kane shi sien ngan pyntip keiñ ha ki ïa ka kti jong nga bad ïa ka bor jong nga; bad kin ïoh tip ba ka kyrteng jong nga long U Jehobah.”

JEREMAÏAH 16:21 ပူးပေါင်းရင်းမြစ်များ

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 15:3

U Trai u long u khla-ka-wait; Ka kyrteng jong u ka long U Trai.

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

JEREMAÏAH 33:2

U Trai, uba la thaw ïa ka pyrthei, uba la pynlong ïa ka bad buh ïa ka ha la ka jaka, u la kren ha nga. Uta uba ka kyrteng jong u ka long U Trai, u la ong,

ESEKIEL 24:24

Te ngan long ka dak ïa pha; phan leh ïa kiei kiei baroh kiba nga la leh. U Trai u ong ba haba kane kan jia, phan ïoh tip ba u long U Trai Nongsynshar.”

ESEKIEL 24:27

Ha kata ka sngi men ïoh pat ïa ka bor ban kren ïa kaba me la duh noh, bad men ïakren bad u. Ha kane ka rukom men long ka dak ïa ki briew, bad kin ïoh tip ba nga long U Trai.”

ESEKIEL 25:14

Ki briew jong nga ki Israel kin pynhiarkput ïa ka Edom namar jong nga, bad kin pynlong ïa ka Edom ban mad ïa ka jingbitar lep jong nga. Ki Edom kin tip ka mut aïu ban shah ha ka jingpynhiarkput jong nga.” U Trai Nongsynshar u la kren.

ESEKIEL 6:7

Ki briew kin shah pynïap kylleng, bad kito kiba lait im kin sa sngewthuh ba nga long U Trai.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.