JEREMAÏAH 16:19 - Khasi CL Bible (BSI)

¹⁹ A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

KA BAIBL

¹⁹ A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JEREMAÏAH 16:19 ပူးပေါင်းရင်းမြစ်များ

1 SYIEM 20:23

Ki rangbah synshar jong u syiem Benhadad ki ong ha u, “Ki blei jong ki Israel ki dei ki blei lum, bad dei na kata ka daw ba ki Israel ki jop ïa ngi. Hynrei ngin sa jop khlem pep ïa ki lada ngi ïaleh ïa ki ha ki jaka madan.

SALM 18:3

Nga khot kyrpad ïa U Trai, bad u pyllait im ïa nga na ki nongshun jong nga. Ïaroh ïa U Trai!

SALM 19:14

To ai ba ki kyntien jong nga bad ki jingpyrkhat jong nga kin long kiba la pdiang hun ha me, A Trai, me long ka jakarieh jong nga bad u nongsiewspah jong nga!

SALM 27:5

Ha ki por ka jingjynjar un ai jakarieh ïa nga; un sumar khop ïa nga ha ka Templ jong u bad pynlong skhem ïa nga ha u mawsiang bajrong.

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 62:2

Tang ma u hi uba ïada bad pynim ïa nga; u long u nongkyrshan jong nga, bad ngan ym shahjop da lei lei.

SALM 62:7

Ka jingpynim jong nga bad ka burom ka shong ha U Blei; u long u nongïada bakhlaiñ jong nga; u long ka jingda jong nga.

SALM 65:3

namar ki pop jong ki. Ki jingduna jong ngi ki jop ïa ngi hynrei me map ïa ki.

SALM 68:31

Ki nongkit 'tiensyiem kin wan na Ijipt; ki nong Sudan kin rah ïa la ki kti ha ka jingduwai ha U Blei.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 44:10

Kam don jingbha ban thaw ïa ka dur nar ban mane kum u blei!

ISAÏAH 44:20

Ka long ka jingsngewthuh kumba bam dpei. Ki jingmut ba-bieit jong u ki la ïalam bakla ïa u ha kaba u don sha lyndet ka jingïarap. Un ym pdiang ha lade ba ka bleithaw ba u bat ha ka kti jong u kam long satia ka blei.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 62:2

Ko Jerusalem, ki jaitbynriew kin ïohi ba pha ïoh ka jingjop! bad ki syiem jong ki baroh kin ïohi ïa ka burom jong pha. Yn khot ïa pha da ka kyrteng kaba thymmai, ka kyrteng ba U Trai hi u ai.

JEREMAÏAH 10:3

Ka niam jong kine ki briew ka long ka bymdondor ei ei. La khet ïa u dieng ha khlaw; la ohdur da ki tiar u nong-ohdieng,

JEREMAÏAH 10:5

Kiba kum kine ki bleithaw ki long kum ki jingpyntieng ïa ki sim ha ki lyngkha sohkhia; kim lah ban kren; la dei ban rah ïa ki namar kim lah ban ïaid. Wat sheptieng ïa ki: kim lah ban pynmynsaw ïa phi, bad kim lah ban lehbha ïa phi.”

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 17:17

Wat ym long ka jingshyrkhei ïa nga; me long ka jaka shngain jong nga haba ka jingjynjar ka wan.

JEREMAÏAH 2:11

Ym don kano kano kawei pat ka jaitbynriew kaba kylla ïa la ki blei, wat la kim dei kiba shisha. Hynrei ki briew jong nga ki la bujli ïa nga, U Blei uba la wanrah ha ki ka jingpyndonburom, da ki blei ki bym lah ban leh ei ei ïa ki.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

ESEKIEL 11:16

“Mynta to ïathuh ïa ki para ba shah ringmraw ïa kaei kaba nga ong. Nga long uta uba la phah ïa ki ban shong ban sah ha ki ri kiba jngai bad pynsakma ïa ki ha kiwei de ki ri. Pynban, ïa mynta shipor ngan don bad ki ha ki jaka sha kaba ki la leit.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

NAHUM 1:7

U Trai u long uba bha; u ïada ïa ki briew jong u ha ki por ka jingjynjar; u ri sumar ïa kito kiba phai sha u.

HABAKKUK 3:19

U Trai Nongsynshar u ai ha nga ka jingkhlaiñ. U pynlong ïa nga uba skhem ki kjat kum ka skei bad u sumar ïa nga halor ki lumbah.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

Ka Shithi U Paul Sha Ki Nong Rom 1:25

Ki bujli ïa ka jingshisha U Blei da ka jinglamler; ki mane bad shakri ïa kaei kaba U Blei u la thaw, ha ka jaka ban mane bad shakri ïa U Nongthaw hi, ïa uba dei ban ïaroh junom! Amen.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”