JEREMAÏAH 16:17 - Khasi CL Bible (BSI)

¹⁷ Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

KA BAIBL

¹⁷ Naba ki khmat jong nga ki don ha ki lynti jong ki baroh: ym shym la buhrieh ïa ki na khmat jong nga, lymne ym shym buhrieh ïa ka jingleh bymhok jong ki na ki khmat jong nga.

JEREMAÏAH 16:17 ပူးပေါင်းရင်းမြစ်များ

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

Ka Kitab U Job 10:14

me ïai jngoh ban ïohi lada nga leh pop, khnang ba men kyntait ban map ïa nga.

Ka Kitab U Job 31:4

U Blei u tip ïa kiei kiei baroh ba nga leh; u ïohi man ka sien jam ba nga jam.

SALM 109:15

Ai ba U Trai un kynmaw borabor ïa ki pop jong ki, hynrei ai ba ïa ki hi yn klet noh baroh phar!

SALM 139:3

Me ïohi ïa nga, haba nga trei ne shongthait; me tip ïa ki jingleh jong nga baroh.

SALM 33:15

U saiñdur ïa ki jingpyrkhat jong ki baroh, bad u tip ïa baroh kiei kiei kiba ki leh.

SALM 51:9

To tap ïa ki khmat jong me na ki pop jong nga bad pyndam noh ïa ka jingbymhok jong nga baroh.

SALM 90:8

Me la buh ïa ki pop jong ngi ha khmat jong me, ïa ki pop barieh jong ngi ha kaba ïohi ka khmat jong me.

PROBERB 15:3

U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

ISAÏAH 29:15

Kito kiba pyrshang ban buhrieh ïa ki jingthmu jong ki na U Trai, kin jot noh! Ki pynïaid ïa ki rukom treikam jong ki ha kaba rieh bad ki pyrkhat ba yn ym don ba ïohi ïa ki lane tip ïa kaei kaba ki leh.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 2:22

Wat lada me la sait da ka sabon kaba khlaiñ, ngan dang ïai ïohi ïa ka jingkhah jaboh jong ka jingpalat jong me.

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

JEREMAÏAH 7:11

Hato phi pyrkhat ba ka Templ jong nga ka dei ka jakarieh ïa ki nonglute? Nga la ïohi ïa kaei kaba phi leh.

ESEKIEL 8:12

U Blei u la kylli ïa nga, “Ko khun u briew, me ïohi aïu ki rangbah Israel ki ïaleh ha kaba rieh? Baroh ki ïamane ha ka kamra kaba dap da ki dur bleithaw. Ka jingpynksan jong ki ka long: ‘U Trai um ïohi ïa ngi! U la iehnoh ïa ka ri.’ ”

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

SEPHANAÏAH 1:12

“Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.