JEREMAÏAH 16:13 - Khasi CL Bible (BSI)

¹³ Kumta te, ngan bret ïa phi shabar jong kane ka ri sha ka ri kaba ma phi lymne ki kpa tymmen jong phi, phim pat ju tip. Bad hangta phin shakri ïa kiwei pat ki blei mynsngi bad mynmiet, bad ngan ym pyn-i jingisynei ïa phi.’ ”

KA BAIBL

¹³ namar kata, ngan shop noh shabar ïa phi na kane ka ri sha ka ri kaba phim ithuh, lymne ma phi lymne ki kpa jong phi; hangta te phin shakri ïa kiwei pat ki blei, mynsngi bad mynmiet; naba ngan ym pyni ïa ka jingsngewbha ïa phi.’

JEREMAÏAH 16:13 ပူးပေါင်းရင်းမြစ်များ

2 SYIEM 25:21

Hangta u syiem u la phah shoh bad pynïap ïa ki. Kumta ki paid Judah ki la shah rah sha jngai na la ka ri sha ka jinglongmraw.

2 KHRONIKL 7:20

te ngan weng noh ïa phi na kane ka ri ïa kaba nga la ai ha phi, bad ngan iehnoh ïa kane ka Templ ba nga la pynkyntang kum ka jaka ha kaba yn mane ïa nga. Ki briew kylleng kin krenbeiñ bad ñiewbeiñ ïa ka.

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

JEREMAÏAH 10:18

U Trai un kynting ïa phi shabar jong kane ka ri; un pynlwet ïa phi tad haduh ba yn ym don uno uno ruh na phi uba dang sah. U Trai u la kren.

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 15:14

Ngan pynlong ïa ki ban shakri ïa ki nongshun jong ki ha ka ri kaba kim don jingtip ei ei, namar ka jingbitar jong nga ka long kum ka ding, ban kan pluh junom.”

JEREMAÏAH 15:4

Ngan pynlong ïa ki briew baroh jong ka pyrthei ban sngewtriem ha ki namar kaei kaba u Manasseh u khun jong u Hesekaïah u la leh ha Jerusalem mynba u long u syiem ka Judah.”

JEREMAÏAH 16:5

“Mem dei ban rung shapoh ka ïing ha kaba don ka jingïambriew. Wat ym ïam sngewsih na ka bynta jongno jongno. Ngan ym kyrkhu shuh ïa ki briew jong nga da ka jingsuk lane pyn-i ha ki ïa ka jingieit bad ka jingisynei.

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 22:26

Ngan sa bret ïa me bad ïa ka kmie jong me sha ka jinglongmraw. Men leit sha ka ri ha kaba ym shym la kha ïa me, bad hangta phin ïap baroh ar ngut.

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 5:19

Haba ki kylli balei ba nga la leh ïa kine kiei kiei, ïathuh ïa ki, ko Jeremaïah, ba kumba ki la phai noh na nga bad shakri ïa ki blei nongwei ha ka ri jong ki hi, kumta kin shakri ïa ki nongwei ha ka ri ka bym dei ka jong ki.”

JEREMAÏAH 6:15

Hato kin sngewlehrain namar ki la leh ïa kine kiei kiei kiba ijli? Em, kim shym la sngewlehrain satia; kim tip hi ruh kumno ban sawkyr-ang. Bad kumta kin kyllon kumba kiwei ki la kyllon; haba nga pynshitom ïa ki, kata kan long kaba kut jong ki. Ma nga, U Trai, nga la kren.”

DEUTERONOMI 28:36

“U Trai un leit rah ïa phi bad ïa u syiem jong phi sha ka ri nongwei, ha kaba ma phi lane ki kpa tymmen jong phi kim pat ju poi; hangta phin shakri ïa ki blei kiba da u dieng bad da u maw.

DEUTERONOMI 29:28

U Trai u la bitar shla, bad ha kata ka jingbitar, u rat dyngkhong ïa ki na ka ri jong ki bad u bret ïa ki sha ka ri nongwei, bad hangta ki dang don haduh mynta.’