JEREMAÏAH 16:12 - Khasi CL Bible (BSI)

¹² Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

KA BAIBL

¹² bad phi la nang kham leh sniew ban ïa ki kpa jong phi; naba ha khmih, phi baroh phi ïaid ha ka jingmutlop la ka jong ka jong ka dohnud sniew, kumta phim sngew ïa nga:

JEREMAÏAH 16:12 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

SNGEWSYNEI 5:7

Ki kpa tymmen jong ngi ki la leh pop, hynrei mynta kim don shuh, bad ngi shahshitom na ka bynta ki pop jong ki.

ESEKIEL 20:30

Mynta to ïathuh ïa ki Israel ïa kaei kaba ma nga, U Trai Nongsynshar nga ong: Balei phi dei ban leh ïa kijuh ki pop kiba ki kpa jong phi ki la leh bad ba phi ïabud nadien ki bleithaw jong ki?

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

MALAKHI 3:7

Ma phi, kum ki kpa tymmen jong phi ha shuwa jong phi, phi la phai noh na ki aiñ jong nga bad phim shym la sumar ïa ki. To phai pat sha nga, bad ngan phai sha phi. Hynrei phi kylli, ‘Kaei ba ngi dei ban leh ban phai pat sha me?’

MARKOS 7:21

Naba na shapoh, na ka dohnud u briew, ki wan ki jingmut basniew kiba ïalam ïa u ban leh ki kam awria, ban lute, ban pynïap,

DEUTERONOMI 29:19

Pynthikna ba yn ym don hangne mynta ka sngi uba ïohsngew ïa ki ktien jong kane ka jutang, pynban uba pynngeit ïa lade ba kaei kaei kan ym jia ïa u wat la u ïaid mon da ka dohnud kaba mutlop. Ka jingmih na kata kan long ba phi baroh phin jot thiaw, kiba bha bad kiba sniew kumjuh.

DEUTERONOMI 9:27

Kynmaw ïa la ki shakri, ïa u Abraham, u Isaak, bad u Jakob, bad wat thew ïa ka jingmutlop, ka jingbymman, bad ka pop jong une u paidlang.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

NONGBISHAR 2:19

Hynrei haba u nongïalam u ïap, ki briew ki phai biang sha la ki rukom barim bad ki im kham sniew ban ïa ka pateng ba ha shuwa. Ki shakri bad mane ïa kiwei ki blei, bad da ka jingtamsneng ki ïai leh ïa la ki rukom bymman.

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”