JEREMAÏAH 15:8 - Khasi CL Bible (BSI)

⁸ La don kham bun ki riewkynthei ha ka ri jong phi ban ïa ki symboh shyiap harud ka duriaw. Nga la pynïap ïa ki rangsamla jong phi ha ka rta kaba dang khie bha bad pynlong ïa ki kmie jong ki ban shahshitom. Nga lynshop kynsan ïa ki da ka jingkhuslai bad ka jingtriem.

KA BAIBL

⁸ Ki riewkynthei jong ki, ki la nang kham bun ïa u shyiap ki duriaw: nga la pynwan halor jong ki pyrshah ïa ki kmie jong kita ki samla, ïa u nonglute ha kaba shiteng sngi: ïa ka jingkhuslai bad ka jingshyrkhei nga la pynhap kyndit halor jong ka.

JEREMAÏAH 15:8 ပူးပေါင်းရင်းမြစ်များ

ISAÏAH 3:25

Ïa ki rangbah jong ka nongbah, ho-oid wat ki rangbah bakhlaiñ tam, yn pynïap ha ka thma.

ISAÏAH 3:26

Ki khyrdop ka nongbah kin ïambriew bad kin kyang, bad ka nongbah hi kan long kum ka kynthei kaba shong ha madan kaba la shah sloit lyngkhuit.

ISAÏAH 4:1

Haba kata ka por ka wan, hynñiew ngut ki kynthei kin bat ïa uwei u briew bad ong, “Ngi lah ban bsa bad pynkup jaiñ ïa lade, hynrei sngewbha shah ïa ngi ban ong ba phi long u tnga jong ngi, ba kumta ngim donkam ban shah ïa ka jinglehrain jong ka jinglong bym pat shongkurim.”

JEREMAÏAH 16:3

Ngan ïathuh ïa me kaei ka ban jia ïa ki khynnah kiba la kha hangne bad ïa ki kmie ki kpa jong ki.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 22:7

Ngan phah ïa ki briew ban pynjot ïa ka. Ki baroh kin wanrah ïa la ki sdie, kin pynngat ïa ki dieng Kedar kiba itynnat bad kin bret ïa ki ha ka ding.

JEREMAÏAH 4:16

Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

SNGEWSYNEI 5:3

Ïa ki kpa jong ngi la pynïap da u nongshun, bad mynta ki kmie jong ngi ki long ki riewkynthei.

ESEKIEL 22:25

Ki nongïalam ki long kum ki sing kiba kyrhuh halor ki mrad kiba ki la pynïap. Ki pynïap ïa ki briew, ki shim ïa ka pisa baroh bad ki jingdon jingem kat kaba ki lah ban ïoh, bad da kaba pynïap briew ki pynsah riewkynthei ïa kiba bun.

HOSIA 4:5

Mynmiet bad mynsngi phi ïaid bakla, bad ki nongïathuhlypa kim long kham bha ban ïa phi. Ngan sa pynjot ïa ka Israel, ka kmie jong phi.

LOUKAS 21:35

Naba kan wan halor ki briew baroh ha kylleng jong ka pyrthei.