JEREMAÏAH 15:7 - Khasi CL Bible (BSI)

⁷ Ha kawei pa kawei ka shnong ha ka ri nga la kynting ïa phi sha ka lyer kum ïa u phlangïap. Nga la pynjot ïa phi, ki briew jong nga, nga la pynïap ïa ki khun jong phi namar phim shym sangeh ïa ki rukom basniew jong phi.

KA BAIBL

⁷ Nga la peh ïa ki ruh da ka jingpeh ha ki khyrdop ka ri; nga la pynduh khun ïa ki, nga la pynjot ïa la ki briew; kim shym phai noh na la ki lynti.

JEREMAÏAH 15:7 ပူးပေါင်းရင်းမြစ်များ

SALM 1:4

Hynrei ki briew kiba sniew kim long kumne da lei lei; ki long kum u phlangïap uba ka lyer ka beh noh.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 9:12

Ka Syria ha ka phang mihngi bad ka Philistia ha ka phang sepngi ki la ang la ka shyntur ban bam ïa ka Israel. Pynban la katta ruh ïa ka jingbitar jong U Trai ym shym pynkut; ka kti jong u ka dang kner ban pynshitom.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 51:2

Ngan phah ïa ki nongwei ban pynjot ïa ka Babilonia kum ka lyer kaba pynher noh ïa u phlangïap. Haba kata ka sngi jong ka jingpynjot ka wan, kin tur ïaleh na baroh sawdong bad kin ieh syllen ïa ka ri.

JEREMAÏAH 9:21

Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

ESEKIEL 24:25

U Trai u la ong, “Mynta, ko khun u briew, ngan shim noh na ki ïa ka Templ bakhraw kaba la long ka jingsarong bad ka jingkmen jong ki, kaba ki sngewtynnat ban khmih bad ban leit jngoh. Bad ngan shim noh ïa ki khun shynrang bad ki khun kynthei jong ki.

ESEKIEL 36:12

Ngan sa wallam pat ïa phi, ki briew jong nga ki Israel ban shong biang ha ka ri. Kan long noh ka ri jong phi bad ki khun jong phi kin ym kyrduh bam.

SEKHARAÏAH 1:4

Wat long kum ki kpa tymmen jong phi. La slem bah ki nongïathuhlypa ki la ai ha ki ïa ka khubor jong nga, da kaba ïathuh ha ki ban ym im bymman, ban ym im shuh ka jingim bapop. Hynrei kim shym la shahshkor ïa nga lane kohnguh ïa nga.

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

DEUTERONOMI 28:18

“U Trai un tim ïa phi da kaba pynduna ïa ki khun ki kti jong phi, da kaba pynduna ïa ka jingseisoh ki jingthung jong phi, bad da kaba pynduna ïa ki masi bad ki langbrot jong phi.

DEUTERONOMI 28:32

Ïa ki khun shynrang bad ki khun kynthei jong phi yn ai noh kum ki mraw ha ki nongwei katba phi pat phi shu peit. Man ka sngi phin pynshitom sat ïa la ki khmat ba phi ap lehnoh-ei ïa la ki khun ba kin wan phai pat.

DEUTERONOMI 28:41

Phin ïoh ki khun shynrang bad kynthei, hynrei phin duh ïa ki, naba yn rong noh ïa ki kum ki koidi thma.