JEREMAÏAH 15:6 - Khasi CL Bible (BSI)

⁶ Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

KA BAIBL

⁶ Pha la kyntait ïa nga,” ong U Trai, “pha la phai dien: namar kata, nga la rah ïa la ka kti ban ïaleh ïa pha, nga la pynjot ïa pha; nga la thait ban kylla-ka-bamut.

JEREMAÏAH 15:6 ပူးပေါင်းရင်းမြစ်များ

ISAÏAH 1:4

Phi long ba la tim, phi ka jaitbynriew bapop, phi ki riew jakhlia bad bymman! Ki pop jong phi ki tan ïa phi sha trai. Phi la kyntait ïa U Trai, U Blei bakhuid jong ki Israel, bad phi la pynphai ïa la ki ingdong sha u.

ISAÏAH 28:13

Dei na kata ka daw ba U Trai un sa hikai ïa phi kawei pa kawei ka kyntien, kawei pa kawei ka laiñ, kawei pa kawei ka jinghikai. Te phin jynthut ha kawei pa kawei ka jingjam ba phi shim. Phin sa mynsaw, shah riam bad phin long koidi.

ISAÏAH 31:3

Ki nong Ijipt kim dei ki blei — ki long tang ki briew. Ki kulai jong ki kim dei kita kiba don ka bor bapalat liam. Haba U Trai u trei, ka hima bakhlaiñbor kan khyllem, bad ka hima batlot bor kaba ka ïarap kan kyllon. Baroh ar na ki kin shah pynjot.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

JEREMAÏAH 6:12

Ïa ki ïing jong ki yn ai noh ha kiwei, bad kumta kan long ïa ki lyngkha jong ki bad ki tnga jong ki. Ngan sa pynshitom ïa ki briew jong kane ka ri.

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

JEREMAÏAH 7:16

U Trai u ong, “Ko Jeremaïah, wat duwai na ka bynta kine ki briew. Wat ïam lane duwai na ka bynta jong ki; wat ïasaid bad nga, namar ngan ym shahshkor ïa me.

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

ESEKIEL 14:9

“Lada u nongïathuhlypa u shah shukor ban ai ki jubab kiba bakla, ka dei namar ma nga, U Trai Nongsynshar, nga la shukor ïa u. Ngan weng ïa u na ki paid Israel.

ESEKIEL 25:7

Namar ïa kaei kaba phi la leh, ngan aiti noh ïa phi sha ki kiwei ki jaitbynriew ki ban lute ïa phi bad pynjot ïa phi. Ngan pynjot lut ïa phi ba phin ym long shuh ka jaitbynriew lane ban don ka ri la ka jong. Te phin tip ba nga long U Trai.”

ESEKIEL 35:3

Ïathuh ha ki briew ïa kaei ba ma nga, U Trai Nongsynshar, nga ong: “Nga long u nongshun jong me, ko ki lumbah ka Edom! Ngan pynlong ïa me ka jaka kynjah.

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

HOSIA 4:16

Ki paid Israel ki long mutlop kum ki khashor. Kumno ngan bsa ïa ki kum ïa ki langbrot ha ki pyntha phlang?

SEPHANAÏAH 1:4

“Ngan pynshitom ïa ki briew jong ka Jerusalem bad ka Judah baroh. Ngan pynjot ïa ka dien bakhatduh ka jingmane ïa u Baal hangta, bad ym don mano mano ban kynmaw wat ïa ki lyngdoh blei nongwei kiba shakri ïa u.

SEKHARAÏAH 7:11

“Hynrei ki briew jong nga ki kyntait da ka jingmynthi ban pynshahshkor ïa nga. Ki khang ïa ki jingmut jong ki