JEREMAÏAH 15:3 - Khasi CL Bible (BSI)

³ Ma nga, U Trai, nga la kut jingmut ba saw tylli kiei kiei kiba shyrkhei kin jia ha ki: kin shah pynïap ha ka thma; ïa ki met jong ki yn patan noh da ki ksew; ki sim kin bam ïa ki, bad ki mradkhlaw kin bam ïa kaei kaba sah.

KA BAIBL

³ “Bad ngan thung saw jaid halor jong ki,” ong U Trai: “ïa ka waitlam ban pynïap, ïa ki ksew ban tar, bad ïa ki sim bneng bad ki mrad khlaw, ban bam bad ban pynduh.

JEREMAÏAH 15:3 ပူးပေါင်းရင်းမြစ်များ

SALM 68:23

khnang ba phi lah ban ïaid ha ka snam jong ki; bad ki ksew jong phi ki lah ban jliah kat kaba ki kwah.”

ISAÏAH 18:6

Ïa ki metïap jong ki shipai jong ki yn iehnoh ha ki sim bad ki mradkhlaw. Ha ka lyiur ki sim kin bam ïa ki, bad ha ka tlang ki mrad.”

JEREMAÏAH 12:9

Ki briew ba la jied jong nga ki long kum ka sim kaba la shah tur ïaleh ha ki kbeit na baroh ki liang. To khot ïa ki mradkhlaw ban wan bad ïashim bynta ha ka jingkhawai!

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

SNGEWSYNEI 3:11

U beh krad ïa nga sharud surok, u tar lyngkhot ïa nga, bad u iehnoh ïa nga.

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 33:27

“Ïathuh ha ki ba ma nga, U Trai Nongsynshar, nga maham ïa ki ba da shisha nga long U Blei uba im, ki briew kiba shong basah ha ki nongbah ba la pynjot kin shah pynïap. Kito kiba shong ha ka ri kin shah bam da ki mradkhlaw. Kito kiba rieh ha ki lumbah bad ki krem kin ïap da ka jingpang.

LEBITIKOS 26:16

Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

LEBITIKOS 26:22

Ngan phah ïa ki mradkhlaw kiba shyrkhei ba kin leh donbor halor jong phi; kine kin pynïap ïa ki khun ki kti jong phi, kin pynjot ïa ki jingri jingdup jong phi, bad kin sah sa tang khyndiat eh na phi, ba kumta ki lynti bah jong phi kin kynjah.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

AMOS 5:19

Kan long kum haba u briew u phet ïap na u sing bad u ïakynduh ïa ka dngiem! lane kum haba u briew u wan sha la ïing bad buh ïa la ka kti ha ka kynroh — tang ban shah puh ha u bseiñ!

DEUTERONOMI 28:26

Ynda phi ïap, ki sim bad ki mrad kin bam ïa ki metïap jong phi, bad yn ym don ba leit beh ïa ki.

DEUTERONOMI 32:24

Kin ïap na ka jingthngan bad ka jingpang shit; kin ïap na ki jingpang kiba ishyrkhei. Te ngan phah ki mradkhlaw ban kynrup ïa ki, bad ki bseiñ kiba don bih ban puh ïa ki.

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.