JEREMAÏAH 15:20 - Khasi CL Bible (BSI)

²⁰ Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

KA BAIBL

²⁰ Bad ngan pynlong ïa me ka kynroh ker kaba da ka rnong ha une u paidbah; te kin ïaleh ïa me, hynrei, kin ym jop ïa me: naba nga don lem bad me ban pynim ïa me bad ban pyllait ïa me,” ong U Trai.

JEREMAÏAH 15:20 ပူးပေါင်းရင်းမြစ်များ

SALM 37:39

U Trai u pynim ïa ki briew kiba hok; bad u ïada ïa ki ha ki por ka jingjynjar.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 15:15

Nangta nga la ong, “A Trai, me sngewthuh. To kynmaw ïa nga bad ïarap ïa nga. Shah ngan ïoh pynhiarkput halor kito kiba pynshitom beiñ ïa nga. Wat ym da ïaishah katta katta ïa ki kat ba kin jop ha kaba pynïap ïa nga. To kynmaw ba ka dei na ka bynta jong me ba la ibeiñ ïa nga.

JEREMAÏAH 38:28

Bad ïa nga la buh ha ka phyllaw jong ka ïingsyiem haduh ka sngi ba la kurup ïa ka Jerusalem.

JEREMAÏAH 39:11

Hynrei u syiem Nebukhadnessar u la hukum ïa u Nebusaradan, u rangbah shipai, ban ai ïa kane ka hukum harum:

JEREMAÏAH 42:11

Keiñ noh na kaba sheptieng ïa u syiem jong ka Babilonia. Nga long ryngkat bad phi, bad ngan pyllait ïa phi na ka bor jong u.

JEREMAÏAH 6:27

Ko Jeremaïah, tynjuh ïa ki briew jong nga, kumba men tynjuh ïa ka nar, bad to ïit ki long kiba kumno.

ESEKIEL 3:8

Mynta ngan pynlong ïa me uba mutlop bad eh dohnud kum ma ki.

ESEKIEL 3:9

Ngan pynlong ïa me uba skhem kum u mawsiang, uba eh kum u diamond; wat sheptieng ïa kito kiba ïaleh pyrshah.”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.