JEREMAÏAH 15:18 - Khasi CL Bible (BSI)

¹⁸ Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

KA BAIBL

¹⁸ Balei ba ka long borabor ka jingsuh jong nga, bad ba ka jingmong jong nga ka bym lah khiah shuh, ka bym treh hi ban khiah? Shisha men long ïa nga kum ka wah ka bashukor, kum ki um ki bymthikna?

JEREMAÏAH 15:18 ပူးပေါင်းရင်းမြစ်များ

Ka Kitab U Job 14:11

Kum ki wah kiba la sangeh noh ban tuid, bad ki pung-um kiba la rngad noh,

Ka Kitab U Job 34:6

U Kylli, “Kumno ngan lah ban shukor bad ong ba nga la bakla? Nga la mynsaw jur palat, hynrei nga long uba khlem pop.”

SALM 6:3

bad ka longrynïeng jong nga baroh kawei ka khuslai sat. Tad lano, A Trai, men nang ap ban ïarap ïa nga?

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 20:18

Balei ba la kha ïa nga? Hato kan dei tang ban ïoh ka jingjynjar bad ka jingsngewsih, ban pynkut ïa ka jingim jong nga ha ka jingjahburom?

JEREMAÏAH 20:7

A Trai me la shukor ïa nga, bad ïa nga la shukor. Me long uba kham khlaiñ ban ïa nga, bad me la jop ïa nga. Uwei pa uwei u rkhiebeiñ ïa nga; ki krenbeiñ ïa nga baroh shi sngi.

JEREMAÏAH 30:12

U Trai u ong ha ki briew jong u, “Ki jingmong jong phi ki long ki bym lah ban koit, ïa ki jingmynsaw jong phi ym lah ban pynkhiah.

JEREMAÏAH 30:15

Wat ujor shuh shaphang ki jingmynsaw jong phi; ym don kano kano ka jingpynkoit ïa phi. Nga la pynshitom ïa phi kumne namar ki pop jong phi ki long kiba bun bad ka jingbymman jong phi ka long kaba khraw.

MIKAH 1:14

Bad mynta, ko ki paid ka Judah, to khublei khatduh ïa ka shnong Moresheth Gath. Ki syiem ka Israel kin ym ïoh jingïarap na ka shnong Akhsib.

MIKAH 1:9

Ïa ki jingmong ka Samaria yn ym lah pynkhiah, bad ka Judah kan shahshitom ha kajuh ka rukom; ka jingpynjot ka la poi haduh ki khyrdop ka Jerusalem hi, ha kaba ki briew jong nga ki shong.”