JEREMAÏAH 15:17 - Khasi CL Bible (BSI)

¹⁷ Ngam shym pynlut ïa ka por jong nga bad kiwei pat ki briew, ha kaba ïa-rkhie bad ïasngewbha. Ha kaba kohnguh ïa ki hukum jong me nga la long marwei bad nga la dap da ka jingbitar.

KA BAIBL

¹⁷ Ngam shym shong ha ka jingïaseng jong kita kiba leh sngewbha, lymne ngam shym leh kmen: nga la shong weibriew namar ka kti jong me; naba me la pyndap ïa nga da ka jingbitar.

JEREMAÏAH 15:17 ပူးပေါင်းရင်းမြစ်များ

SALM 1:1

Suk kito kiba kyntait ïa ka jingai jingmut ki briew basniew ki bym bud ïa ka jingleh ki nongpop lane ïasoh bad kito ki bymdonkam ïa U Blei.

SALM 102:7

Nga thiah khlem samthiah; nga long kum ka sim marwei halor tnum ïing.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 16:8

“Wat rung shapoh ka ïing ha kaba ki briew ki ïakhawai. Wat shong bad ki ban bam bad dih.

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

SNGEWSYNEI 3:28

Haba ngi shahshitom, ngi dei ban shong marwei ha ka jingïaishah bajar jar;

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.

SEKHARAÏAH 1:12

Nangta u angel u la ong, “A Trai Badonbor Baroh, me la bitar ïa ka Jerusalem bad ïa ki nongbah jong ka Judah haduh hynñiewphew snem mynta. Slem sa katno kan long ha shuwa ba men pyn-i ha ki ka jingisynei?”

2 KORINTH 6:17

Bad kumta U Trai u ong, “Phi dei ban iehnoh ïa ki bad pynïakhlad ïa lade na ki. Wat ïadon bynta bad kaei kaei ka bymkhuid, bad ngan pdiang ïa phi.