JEREMAÏAH 15:14 - Khasi CL Bible (BSI)

¹⁴ Ngan pynlong ïa ki ban shakri ïa ki nongshun jong ki ha ka ri kaba kim don jingtip ei ei, namar ka jingbitar jong nga ka long kum ka ding, ban kan pluh junom.”

KA BAIBL

¹⁴ Bad ngan phah noh ïa ki lem bad ki nongshun jong pha sha ka ri kaba pham tip: naba la tbeh ding ha ka jingbitar jong nga, ka ban meh halor jong pha.”

JEREMAÏAH 15:14 ပူးပေါင်းရင်းမြစ်များ

SALM 21:9

Un pynjot ïa ki kum ka ding kaba klang haba u wanpaw. U Trai un pynduh khoit ïa ki ha ka jingbitar jong u, bad ka ding kan bam duh ïa ki.

ISAÏAH 42:25

Kumta u pynlong ïa ngi ban sngew ïa ka bor ka jingbitar jong u bad shah jynjar ïa ka jingshyrkhei ka thma. Kum ka ding ka jingbitar jong u ka meh kylleng ka Israel, hynrei ngim ju tip aïu ka jia; ngim shym ïoh jinghikai satia ei ei na ka.

JEREMAÏAH 14:18

Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

JEREMAÏAH 15:4

Ngan pynlong ïa ki briew baroh jong ka pyrthei ban sngewtriem ha ki namar kaei kaba u Manasseh u khun jong u Hesekaïah u la leh ha Jerusalem mynba u long u syiem ka Judah.”

JEREMAÏAH 16:13

Kumta te, ngan bret ïa phi shabar jong kane ka ri sha ka ri kaba ma phi lymne ki kpa tymmen jong phi, phim pat ju tip. Bad hangta phin shakri ïa kiwei pat ki blei mynsngi bad mynmiet, bad ngan ym pyn-i jingisynei ïa phi.’ ”

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 52:27

Hangta u syiem u la phah ban tied ïa ki bad ban pynïap. Kumta ïa ki briew ka Judah la rah noh na ka ri jong ki sha ka jinglongmraw.

AMOS 5:27

haba ngan ïalam ïa phi sha ka jinglongmraw sha ka ri sha lyndet ka Damaskos,” ong U Trai, uba ka kyrteng jong u ka long U Blei Badonbor Baroh.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

DEUTERONOMI 28:36

“U Trai un leit rah ïa phi bad ïa u syiem jong phi sha ka ri nongwei, ha kaba ma phi lane ki kpa tymmen jong phi kim pat ju poi; hangta phin shakri ïa ki blei kiba da u dieng bad da u maw.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.

HEBRU 12:29

namar ba U Blei jong ngi u long shisha ka ding kaba bam duh.