JEREMAÏAH 14:8 - Khasi CL Bible (BSI)

⁸ Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

KA BAIBL

⁸ A me uba ka jingkyrmen jong ki Israel, u nongpynim jong ki ha ka por ka jingjynjar, balei me long kum u sohshnong ha ka ri, bad kum u nongleit jingleit uba shu wan ban thiah miet?

JEREMAÏAH 14:8 ပူးပေါင်းရင်းမြစ်များ

SALM 10:1

Balei me don jngai palat, A Trai? Balei me buhrieh ïa lade haba ngi don ha ka jynjar?

SALM 138:7

Haba la ker sawdong ïa nga da ki jingjynjar, me ri sumar ïa nga. Me ïeng pyrshah ïa ki nongshun ba bitar jong nga bad me pyllait im ïa nga da ka bor jong me.

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

SALM 46:2

Namarkata, ngin ym sheptieng, wat lada ka pyrthei ka khih bad ki lumbah ki hap sha ki jingjylliew ka duriaw-bah;

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 71:5

A Trai U Nongsynshar, nga buh ïa ka jingkyrmen jong nga ha me; nga la shaniah ha me naduh ba nga dang samla.

SALM 9:9

U Trai u long ka jakarieh ïa kiba shah banbeiñ, ka jaka bashngain ha ki por jynjar.

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

ISAÏAH 33:2

A Trai, to isynei ïa ngi. Ngi la buh ïa ka jingkyrmen ha me. To ïada ïa ngi man la ka sngi bad to pynim ïa ngi ha ki por jong ka jingjynjar.

ISAÏAH 43:11

“Nga hi marwei nga long U Trai, uba tang marwei uba lah ban pynim ïa phi.

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

ISAÏAH 45:15

U Blei ki Israel, uba pynim ïa la ki briew, u long U Blei uba buhrieh ïa lade.

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

ISAÏAH 63:8

U Trai u ong, “Ki long ki briew jong nga kin ym shukor ïa nga.” Bad kumta u la pyllait im ïa ki na ki jingjynjar jong ki baroh.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

KI KAM 28:20

Dei na kata ka daw nga la kyrpad ban ïakynduh ïa phi bad ban ïakren bad phi. Ha ka jingshisha, la khum kynjri ïa nga kumne na ka bynta jong uta ïa uba ki paid Israel ki kyrmen.”

1 TIMOTHI 1:1

Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

NONGBISHAR 19:17

Uta u tymmen u ïohi ha madan shnong ïa uta u nongleit jingleit bad u kylli ïa u, “Na-ei phi wan? Shano phin leit?”