JEREMAÏAH 14:22 - Khasi CL Bible (BSI)

²² Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

KA BAIBL

²² Don hapdeng ki jingthala ki Jentil kiba lah ban pynhap slap? Lane ki bneng ki lah ban ai 'lap praw? Ym long ma me uta, A Trai U Blei jong ngi? Namar kata, ngin ap khmih ïa me; namar me la thaw ïa kiei kiei baroh.

JEREMAÏAH 14:22 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 17:14

Naba kane ka long kaei kaba U Trai, U Blei ki Israel, u ong: ‘Kata ka pliang kan ym thylli 'purew lane uta u klong un nym long khlem umphniang shuwa kata ka sngi ba nga, U Trai ngan phah slap.’ ”

1 SYIEM 18:1

Hadien katto katne por, ha ka snem kaba lai jong ka jingrang ryngkhiang, U Trai u ong ha u Elijah, “Khie leit pyn-i ïa lade ha u syiem Ahab, bad ngan sa phah slap.”

1 SYIEM 8:36

To map ïa ka pop jong u syiem bad jong ki paid Israel. Hikai ïa ki ban leh ïa kaba dei. Nangta, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti jong ki junom.

Ka Kitab U Job 28:26

Haba U Blei u rai hangno ba u slap un hap, bad ïa ka lynti ki lyoh ba pynlong pyrthat;

Ka Kitab U Job 5:10

U phah ïa u slap ha ka ri bad u ai um ïa ki lyngkha.

SALM 130:5

Nga ap kmang ïa ka jingïarap U Trai, bad ha ka ktien jong u nga shaniah.

SALM 135:7

U wanrah ïa ki lyoh 'erïong na kiba kut ka pyrthei; u pynlong leilieh ïa ki 'erïong, bad u wanrah shabar ïa ka lyer na la ka jaka buh.

SALM 147:8

U pynphriang ïa ki lyoh ha ka suiñbneng; u pynbiang slap ïa ka khyndew bad u pynlong ba u phlang un mih ha ki lum.

SALM 25:21

Ai ba ka jingbha bad ka hok jong nga kin ïada ïa nga, namar nga shaniah ha me.

SALM 25:3

Ka jingshahjop kan ym wan ha kito kiba shaniah ha me, hynrei ha kito kiba kloi ban ïeng ïaleh pyrshah ïa me.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

JEREMAÏAH 10:12

U Trai u la thaw ïa ka khyndew da ka bor jong u; da ka jingstad jong u, u la thaw ïa ka pyrthei bad u la pyiar pynïar ïa ki bneng.

JEREMAÏAH 10:13

Ha ka hukum jong u ki um shalor jong ka suiñbneng ki kyrhuh; u wallam ïa ki lyoh na kiba kut jong ka pyrthei. U pynlong ïa ka leilieh ban thaba ha u slap bad u phah ïa ka lyer na ka kamra buh tiar jong u.

JEREMAÏAH 10:15

Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

JEREMAÏAH 10:3

Ka niam jong kine ki briew ka long ka bymdondor ei ei. La khet ïa u dieng ha khlaw; la ohdur da ki tiar u nong-ohdieng,

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 5:12

Ki briew jong U Trai ki la len ïa u bad ki la ong, “Un ym leh ei ei da shisha. Ngin ym mad ïa ki por ba-eh; ngin ym mad ïa ka thma lane ka 'nemsniew.”

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

JEREMAÏAH 51:16

Ha ka hukum jong u ki um halor ka suiñbneng ki kyrhuh; u wallam ïa ki lyoh na kiba kut ka khyndew. U pynlong ïa ka leilieh ban thaba ha u slap bad u phah ïa ka lyer na ka kamra jingkynshew jong u.

HOSIA 2:7

Kan leit beh nadien ïa kiba ieit jong ka, hynrei kan ym lap ïa ki. Kan wad ïa ki hynrei kan ym shem ïa ki. Te kan sa ong, “Ngan leit phai noh sha u tnga uba nyngkong jong nga — nga kham bit kham biang myn ha kata ban ïa kaba nga long mynta.”

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

MIKAH 5:6

Da ka borbah jong ki tiar thma kin jop ïa ki Assyria, ka ri jong u Nimrod, bad kin pyllait im ïa ngi na ki Assyria haba ki hiarthma ïa ka ri jong ngi.

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

DEUTERONOMI 28:12

Un pynhap ïa u slap ha la ka aïom na ka ïing kynshew jong u ha bneng bad un kyrkhu ïa ka jingtrei jong phi baroh, ba phin ïoh ai kylliang ha kiba bun ki jaitbynriew, katba ma phi pat phin ym hap shim kylliang nano nano.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.