JEREMAÏAH 14:21 - Khasi CL Bible (BSI)

²¹ To kynmaw ïa ki jingkular jong me bad wat ñiewbeiñ ïa ngi; wat wallam ka jingjahburom halor ka Jerusalem ka jaka jong ka khet badonburom jong me. Wat pynkheiñ ïa ka jutang kaba me la pynlong bad ngi.

KA BAIBL

²¹ Wat isih ïa ngi, na ka bynta ka kyrteng jong me; wat pynjahburom ïa ka khet ka burom jong me: to kynmaw, to wat pynkheiñ ïa la ka jutang bad ngi.

JEREMAÏAH 14:21 ပူးပေါင်းရင်းမြစ်များ

SALM 106:40

Kumta U Trai u la bitar ïa ki briew jong u; u la sngewngiah ïa ki.

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 145:11

Kin ïathuh shaphang ka burom jong ka bor syiem jong me bad kin ïathuh shaphang ka bor bakhraw jong me,

SALM 25:11

To bat ïa ka kular jong me, A Trai, bad map ïa ki pop jong nga, namar ba ki don shibun.

SALM 51:11

Wat pynjah noh ïa nga na ka jingdon ryngkat jong me; wat shim noh ïa U Mynsiem Bakhuid jong me na nga.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

ISAÏAH 62:6

Ha ki kynroh jong pha, ko Jerusalem, nga la buh ïa ki nongap phira; mynsngi ne mynmiet kin ym sngap jar. Kin pynkynmaw ïa U Trai ïa ki kular jong u, bad kin ym shah ba un klet ïa ki.

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 17:12

Ka Templ jong ngi ka long kum ka khet badonburom, kaba ïeng halor jong u lumbah bajrong naduh kaba sdang.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

ESEKIEL 20:22

Hynrei ngam shym la leh kumta, naba kata kan jin da la wallam ka jingjahburom ïa ka kyrteng jong nga hapdeng ki jaitbynriew kiba la lah ïohi ïa nga ba nga ïalam ïa ki Israel shabar na ka Ijipt.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

DANIEL 9:7

Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

LEBITIKOS 26:11

Ngan shong hapdeng jong phi ha ka ïingjaiñ bakyntang jong nga, bad ngan ym phai noh na phi da lei lei.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

LOUKAS 1:72

U la ong ba un pyn-i jingisynei ïa ki kpa tymmen jong ngi bad kynmaw ïa ka jutang bakyntang jong u.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

EPHESOS 2:7

U la leh ïa kane ban pynpaw ha ki por baroh ki ban sa wan ïa ka jingkhraw tam eh ka jingaiei jong u ha ka jingieit ïa kaba u la pyn-i sha ngi ha U Khrist Jisu.

DEUTERONOMI 32:19

“Haba U Trai u la ïohi ïa kata, u bitar da shisha, bad u kyntait ïa la ki khun shynrang bad kynthei.

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.