JEREMAÏAH 14:19 - Khasi CL Bible (BSI)

¹⁹ A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

KA BAIBL

¹⁹ Hato me la kyntait phar ïa ka Judah? Ka mynsiem jong me ka la isih ïa ka Seïon? Balei me la shoh ïa ngi, bad ba ym don ka jingpynkhiah ïa ngi? Ngi la khmih lynti ïa ka jingsuk, hynrei, ka jingbha ei ei kam shym wan; ïa ka aïom ka jingpynkhiah, te ha khmih ka jingkhaw-eit!

JEREMAÏAH 14:19 ပူးပေါင်းရင်းမြစ်များ

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

Ka Kitab U Job 30:26

Nga la kyrmen ban ïoh jingkmen bad jingshai, hynrei ka jingeh bad ka jingdum pynban ki wan.

SALM 78:59

U Blei u la bitar haba u la ïohi ïa ka, kumta u la kyntait lut ïa ki briew jong u.

SALM 89:38

Hynrei me la bitar ïa u syiem uba la jied jong me, me la iehnoh bad kyntait ïa u.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 12:8

Ki briew ba la jied jong nga ki la phai pyrshah ïa nga; kum u sing hapoh ka khlaw ki la kyrhuh ïa nga, bad kumta nga isih ïa ki.

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 15:18

Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

JEREMAÏAH 30:12

U Trai u ong ha ki briew jong u, “Ki jingmong jong phi ki long ki bym lah ban koit, ïa ki jingmynsaw jong phi ym lah ban pynkhiah.

JEREMAÏAH 30:13

Ym don mano mano ba sumar ïa phi, ym don jingïarap na ka bynta ki prum jong phi, ym don jingkyrmen ban koit na ka bynta jong phi.

JEREMAÏAH 51:5

Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

JEREMAÏAH 6:30

Yn khot ïa ki, ka eitnar bymdondor, namar ma nga, U Trai, nga la kyntait ïa ki.”

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

JEREMAÏAH 8:15

Ngi la kyrmen ïa ka jingsuk bad ka por ka jingpynkhiah, hynrei kam shym la myntoi ei ei; ka jingtriem ka wan pynban.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

SNGEWSYNEI 2:22

Me la khot sngewbha ïa ki nongshun jong nga ban pynlong ka jinglehsngewbha ha ka jingshyrkhei baroh sawdong jong nga, bad ym don mano mano ba lah ban lait im ha kata ka sngi jong ka jingbitar jong me. Ki la pynïap ïa ki khun jong nga, kiba nga la pynsan bad ieit.

SNGEWSYNEI 4:17

Ngi la khmih tad haduh ba ngim lah shuh ban khmih ïa ka jingïarap ka bym ju wan. Ngi la ïai ap ïa ka jingïarap na ka hima ka bym don ei ei ban ai.

SNGEWSYNEI 5:22

Lane hato me la kyntait ïa ngi junom? Hato ym don jingkut ïa ka jingbitar jong me?

MIKAH 1:12

Ki briew jong ka Maroth ki ap da ka jinglyng-a ïa ka jingïarap, namar ba U Trai u la wallam ïa ka jingjot sha jan ka Jerusalem.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.