JEREMAÏAH 14:18 - Khasi CL Bible (BSI)

¹⁸ Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

KA BAIBL

¹⁸ Lada nga leit mih sha madan, ha khmih hangta ïa kiba la pynïap da ka waitlam! Bad lada nga rung shapoh shnong, ha khmih hangta ki bapang namar ka 'nemsniew! Naba u nongïathuhlypa bad u lyngdoh ki ïa-ïaid kylleng ha ka ri, te kim don ka jingtip satia.”

JEREMAÏAH 14:18 ပူးပေါင်းရင်းမြစ်များ

ISAÏAH 22:2

Ka nongbah baroh kawei ka don ha ka jingkhihwin, la pyndap da ka jingsawa bad ka jingshongshit. Ki rangbah jong phi kiba la ïap ha kane ka thma kim shym ïap ha ka jingïaleh.

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 23:21

U Trai u ong, “Ngam shym la phah ïa kine ki nongïathuhlypa, hynrei wat la katta ki leit la ka leit. Ngam shym la ai kano kano ka khubor ha ki, hynrei pynban ki kren ha ka kyrteng jong nga.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 6:25

Ngim nud ban leit sha ki rudnong lane ïaid ha ki surok, namar ki nongshun jong ngi ki la kieng atiar bad ka jingshyrkhei ka don ha baroh sawdong jong ngi.”

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

SNGEWSYNEI 1:20

“Ha khmih, A Trai, ha ka jingkordit jong nga, ha ka jingjynjar sat ka mynsiem jong nga! Ka dohnud jong nga ka pait ha ka jingsngewsih na ka bynta ki pop jong nga. Ka don ka jingpynïap ha ki lynti bah; wat hapoh ïing ka don ka jingïap.

SNGEWSYNEI 2:19

Baroh shi miet to khie bad ïai khie ban kyang jam ha U Trai; to theh ïa la ka dohnud bad kyrpad ïa u na ka bynta ka jingisynei ïa ki khun jong pha — Ki khun kiba ha ka jingïapthngan ha kawei pa kawei ka kyndong lynti bah!

SNGEWSYNEI 4:9

Kito kiba la ïap ha ka thma ki la long kiba kham bit ban ïa kito kiba ïap hadien, kiba ïap suki ha ka jingthngan, khlem kano kano ka jingbam ban ri pynim ïa ki.

ESEKIEL 7:15

Ka don ka jingïashoh ha ki lynti ïaid, bad ka jingpang bad ka jingthngan hapoh ki ïing. Uno uno uba don ha rudnong u ïap ha ka jingïaleh, uno uno uba don ha nongbah u ïap da ka jingpang ne jingthngan.

AMOS 4:6

“Dei ma nga uba la wallam ïa ka jingïapthngan ha ki nongbah jong phi baroh, pynban phim shym la wan phai pat sha nga.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

DEUTERONOMI 28:36

“U Trai un leit rah ïa phi bad ïa u syiem jong phi sha ka ri nongwei, ha kaba ma phi lane ki kpa tymmen jong phi kim pat ju poi; hangta phin shakri ïa ki blei kiba da u dieng bad da u maw.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!